ەلىمىزدىڭ باتىس وڭىرىندە، اتاپ ايتقاندا اقتوبە وبىلىسىندا سالافيزم يدەياسىن ۇستانۋشىلار سانى كەمىگەن. بۇل تۋرالى «قامشى» پورتالى Tengrinews.kz – كە سىلتەمە جاساپ حابارلايدى.

وبلىس اكىمى بەردىبەك ساپاربايەۆ اقتوبەدەگى ەكسترەميزممەن كۇرەس جونىندە ايتىپ بەردى.

"بىزدە ءتورت اۋداندا ەكسترەميزممەن بايلانىستى ماسەلەلەر بار. ءبىز تەمىر اۋدانىنان ايماقتىق تەرروريزممەن جانە ەكسترەميزممەن كۇرەس ورتالىعىن اشتىق. ول جەردە ۇقق، پروكۋراتۋرا جانە باسقا دا رەسمي ورگانداردىڭ قىزمەتكەرلەرى جۇمىس ىستەيدى. ولار جەرگىلىكتى بيلىكپەن بىرگە وسى ماسەلەلەرمەن اينالىسادى"، - دەدى ب. ساپاربايەۆ.

وبلىس اكىمى ءتۇسىندىرۋ جانە ناسيحاتتاۋ جۇمىستارىنىڭ جالعاساتىنىن اتاپ ايتتى. "كەلەسى - ۇكىمەتتىك ەمەس ۇيىمداردى قولداۋ. بىزدە وسى ماسەلەلەرمەن تۇراقتى تۇردە اينالىسىپ، حالىقپەن كەزدەسەتىن، پروبلەمالارعا سايكەس جۇمىس ىستەيتىن وسىنداي بىرنەشە ۇيىم بار. ناتيجەسىندە سوڭعى ەكى جىلدا سالافيزم جاقتاستارىنىڭ سانى شامامەن ەكى ەسەگە قىسقاردى. ءبىز بۇل جۇمىستاردى جالعاستىرامىز"، - دەگەن ساپاربايەۆ مىرزا.

ەسكە سالا كەتەيىك، ورتالىق كوممۋنيكاسيالار قىزمەتىندە حالىقارالىق تەرروريزم ماسەلەلەرى تالقىلاندى. قسزي ديرەكتورى ەرلان قارين الەمدە جىلىنا 13 مىڭنان اسا تەررورلىق شابۋىل جاسالاتىنىن ايتتى.