بەنزين باعاسى 3،9 پايىزعا وسەتىن بولدى. بۇل تۋرالى «قامشى» پورتالى ۇلتتىق ەكونوميكا مينيسترلىگىنە سىلتەمە جاساپ حابارلايدى.
«قازاقستان رەسپۋبليكاسىندا ەكونوميكالىق قاۋىپسىزدىكتى قامتاماسىز ەتۋ ماقساتىندا مۇناي ونىمدەرى باعاسىنداعى قالىپتاسقان ەكونوميكالىق احۋالعا بايلانىستى مۇناي ونىمدەرى اكسيزدەرى مولشەرلەمەسىن ءوسىرۋ تۋرالى شەشىم شىعارىلدى. اكسيز مولشەرلەمەلەرى 1 ليتر بەنزينگە بار-جوعى 5 تەڭگەنى قۇرايدى. بۇل بەنزيننىڭ جالپى باعاسىن 3،9 پايىزعا كوتەرەدى» دەلىنگەن مينيسترلىك تاراتقان حابارلامادا.
مينيسترلىك سونداي-اق، قازاقستانداعى مۇناي ونىمدەرىنىڭ اكسيز مولشەرلەمەسى 2000 جىلى بەلگىلەنگەنىن جانە وتە تومەن دەڭگەيدە بولىپ كەلگەنىن ايتادى. اتاپ ايتقاندا، بۇعان دەيىن بەنزيننىڭ اكسيز باعاسى تونناسىنا 4500 تەڭگە، ديزەل وتىنىنا 540 تەڭگە بولىپ كەلگەن.
