الماتى قالاسى المالى اۋداندىق سوتى قازاقتىڭ س.اسپاندياروۆ اتىنداعى ۇلتتىق مەديسينالىق ۋنيۆەرسيتەتىنىڭ رەكتورى ا. اقانوۆقا قاتىستى ۇكىم شىعاردى. بۇل تۋرالى «قامشى» پورتالى Zakon.kz-كە سىلتەمە جاساپ حابارلايدى.

باسىندا لاۋازىمدى تۇلعا سەنىپ تاپسىرىلعان ءىرى كولەمدەگى مۇلىكتى يەمدەنۋ نەمەسە تالان-تاراجعا سالدى دەپ ايىپتالعانىمەن، سوت ءىستى قىزمەت بابىن اسىرا پايدالانۋ بابىنا قايتا اۋىستىرعان.

2008 جىلدان بەرى ۋنيۆەرسيتەت رەكتورى لاۋازىمىنداعى ا. اقانوۆ مەملەكەتتىك ساتىپ الۋلارعا بايلانىستى داۋعا قالعان. اتاپ ايتقاندا، 2012 جىلى ۋنيۆەرسيتەت پەن «فلامينگو-9» ج ش س اراسىندا 512 ورىندىق ۋنيۆەرسيتەت جاتاقحاناسى قۇرىلىسىنىڭ جۇمىسىن جۇرگىزۋ تۋرالى كەلىسىم شارت جاسالعان.

قۇرىلىس اياقتالعان سوڭ مەردىگەر فيرما ءۇش ءليفتىنى جانە تەحنولوگيالىق قۇرىلعىنى ورناتپاي، اتقارىلعان جۇمىستار اكتىسىنە ۋنيۆەرسيتەت رەكتورىنىڭ قولىن قويعىزىپ، نىساندى وتكىزگەن. سول ارقىلى ۋنيۆەرسيتەتكە 48997054 تەڭگە شىعىن كەلگەن.

اقشانى العان مەردىگەر ول قاراجاتتى جۇمىسشىلاردىڭ ەڭبەكاقىسىنا ەمەس، نەسيە تولەۋگە جۇمساعان. ال، 2013 جىلى جوبالىق-سمەتالىق قۇجاتتار وزگەرۋىنە بايلانىستى جاتاقحانا قۇرىلىسى اياقسىز قالعان.

سوتتا رەكتور ءوز كىناسىن مويىندادى، ءبىراق، قاراجات جىمقىرۋ دەرەگىن جوققا شىعاردى. ج ش س باسشىسى ءليفتىنى كەيىن ورناتۋعا ۋادە بەرىپ، بانكتەگى نەسيەنى تولەۋ ءۇشىن قاراجاتتى اۋدارۋدى سۇراعانىن ايتتى. 

سونداي-اق، اعىمداعى جىلدىڭ جاز ايىندا مەردىگەر فيرما مەن ۋنيۆەرسيتەت اراسىندا بەبىت كەلىسىم جاسالىپ، ج ش س جارتى جىل ىشىندە 48997054 تەڭگە كولەمىندەگى قۇرىلعىلاردى ورناتىپ بەرۋگە مىندەتتەمە العان.

وسى سەبەپتەرگە بايلانىستى مەديسينالىق ۋنيۆەرسيتەت وكىلدەرى اقانوۆقا ەش نارازىلىقتارى جوق ەكەنىن ايتىپ، سۋديادان ونى باس بوستاندىعىنان ايىرماۋدى سۇرادى. پروكۋرور دا ايىپتالۋشىنىڭ قىلمىسىنن قك-نىڭ 307-بابى، 2-بولىمىنە (قىزمەت بابىن اسىرا پايدالانۋ) اۋىستىرۋدى ۇسىندى.

ءىستىڭ ءمان-جايىن قاراعان سۋديا اقانوۆتى قك 307-بابى 2ء-بولىمى بويىنشا ايىپتى دەپ تانىپ، وعان 2000 اەك ( 3 964000 تەڭگە) ايىپپۇل سالۋ تۋرالى ۇكىم شىعاردى. سونداي-اق، سوتتالۋشىعا 7 جىل مەرزىمگە دەيىن مەملەكەتتىك قىزمەتپەن اينالىسۋعا، جەرگىلىكتى باسقارۋ ورگاندارىندا قىزمەت ەتۋگە تىيىم سالىندى. ەندى رەكتور اتالعان سومانى ۇكىم كۇشىنە ەنگەن سوڭ ءۇش تاۋلىك ىشىندە مەملەكەتكە تولەۋى ءتيىس.

وسىعان قاراماستان، ايىپتالۋشىنىڭ قورعاۋشىلارى اپپەلياسيالىق شاعىم دايىنداپ جاتقاندىقتارىن ايتقان.