«ەركەك پەن ايەل اراسىندا دوستىق بولا ما؟» دەگەن ساۋال كوپتەن بەرى كوكەيدە جۇرگەن سۇراقتاردىڭ ءبىرى. بۇل تۇرعىدا كەيبىرى دوستىقتىڭ بارىن ايتسا، ءبىرى دوستىق اتاۋلى ەركەك پەن ايەل اراسىندا بولمايدى دەگەن ويدا. ەندەشە، تاقىرىپتى ارقاۋ ەتە وتىرىپ تالداۋ جۇرگىزىپ، تالقىعا تۇسىرسەك.
«تۇرمىستىڭ ءتۇرلى سىنىنان سۇرىنبەي ءوتتى دەسە دە،
جۇبايىڭ دوسىڭ بولدى ما؟ مىنە، بۇل – باستى ماسەلە…
…تاعدىردان قاشۋ مۇمكىن بە، جۇرسەڭ دە قانداي جولمەنەن،
ءبىر ءماندى سۇراق الدىڭدا تۇرادى ىلعي كولدەنەڭ:
«جۇبايىڭ دوسىڭ بولدى ما سامعاتقان سەزىم شىرايىن،
ناق سونداي ۇلى باقىتتى بەردى مە ساعان قۇدايىم؟
ويناي ما ونىڭ كوزىندە سەزىم مەن رۋح جارقىلى،
ۇعا ما ول شاتتىق مۇڭىڭدى جەتىنشى تۇيسىك ارقىلى؟…» دەگەن ەكەن
م. شاحانوۆ «جەتىنشى تۇيسىك» ولەڭىندە. وسى تاراپتا اقىن ماحاببات پەن دوستىقتىڭ قاتار جۇرەتىنىن باعامداسا كەرەك. ياعني، تۇسىنىستىك بولسا، دوستىق پەن ماحاباتتىڭ ەگىز ۇعىم ەكەنىن ايتادى.
ءانشى مادينا ءسادۋاقاسوۆا بولسا، ەر مەن ايەل اراسىندا باۋىر، اعا رەتىندە دوستىق ءسوزسىز بولادى دەپ پىكىر بىلدىرۋشىلەردىڭ ءبىرى.
مادينا ءسادۋاقاسوۆا، ءانشى:
«ەركەك پەن ايەل اراسىندا دوستىق بولادى. سەبەبى، دوستىق وزىندە سىيلاستىق، تۇسىنىسپەۋشىلىك، ۇلكەن سەنىم جاتىر دەپ بىلەمىن».
سونداي-اق، سامات دوسىمبەتوۆ اتتى وقىرمان ويىنشا:
«ەركەك پەن ايەل اراسىندا دوستىق بولادى. سەبەبى، ايەل اقىلشى، ايەل دانا، ولار بارىنە جاۋاپكەرشىلىكپەن قاراپ، پاراساتتىلىق تانىتادى، اركەز تۇسىنە بىلەدى. بۇنى مەنىڭ الدىمدا قانشاما اقىن-جازۋشىلار، عۇلامالار دا ايتىپ كەتكەن. ءتىپتى، پوەزيا تارلانى ءمۇقاعاليدىڭ ءوزى فاريزا اقىنعا «قازاقتىڭ جىگىتىنەن دوس تابا الماي، قىز دا بولساڭ، مەن ساعان مۇڭ شاعامىن» دەيدى.
ال ءانشى ءالي وقاپوۆ بولسا، مۇلدەم كەرەاعار پىكىردە. ونىڭ ويىنشا، قىز بەن جىگىت اراسىندا ەشقانداي دا دوستىق بولمايدى ەكەن.
انشىمەن كەلىسەتىن جۇرتشىلىق تا از ەمەس.
مادينا ەركىن قىزى اتتى وقىرمان:
«مەنىڭ جانىما جاقىن تۇتقان جان دوسىم بار ەدى. ماعان اعا ورنىنا اعا بولا ءبىلدى، قينالعان ساتتە قاسىمنان تابىلىپ، جابىرقاعاندا جانىمدا بولدى. ءاردايىم وعان ىشىمدەگى بار سىرىمدى ايتاتىنمىن. مەنى رەنجىتكەن اداماردى دا جاي قالدىرمايتىن. قامقورلىعى، باۋىرمالدىعى، شىنايى دوستىعى ءۇشىن وعان ريزا بولاتىنمىن. ءبىراق، ءبارىنىڭ ءبىر ساتتە كۇل-تالقانى شىقتى. سەنىپ جۇرگەن ادامىم سەزىمى بار بولعان سوڭ عانا دوسىم بولعاندىعى مەنى قاتتى قىنجىلتتى. وسىدان كەيىن مەن جىگىت اتاۋلى مەن قىز اراسىنداعى دوستىققا مۇلدەم سەنبەيمىن» دەيدى.
سابينا جاماۋ، وقىرمان:
«جىگىت پەن قىز اراسىندا دوستىق بولادى دەپ ويلاۋشى ەدىم. ءبىراق 12 جىل بويى جانىمدا جۇرگەن دوسىم مەنى جاقسى كورەتىن بولىپ شىقتى. مەن ونى قيمايمىن، ارامىزداعى دوستىقتىڭ وشكەنىن قالامايمىن، دەگەنمەن... ءارى قاراي بۇلاي جالعاسا بەرسە ونىڭ سەزىمىمەن ويناپ جۇرگەن ءتارىزدى بولارمىن؟!»
ماسەلە تۋراسىندا كوپشىلىك كوزقاراسىنا سۇيەنسەك، جۇرگىزىلگەن ساۋالناما ناتيجەسىندە، 10 ادامنىڭ 3-ەۋى دوستىق بار دەسە، 7-ەۋى مۇنىمەن كەلىسپەيدى.
نەلىكتەن؟ ال ءسىز قالاي ويلايسىز؟
دەرەككوز: anabol.kz
