«قامشى» اقپاراتتىق پورتالى 2015 جىلى دۇنيەدەن وتكەن تانىمال تۇلعالار ەسىمدەرىن ەسكە سالادى.

ءابىش كەكىلبايەۆ

قازاق جازۋشىسى جانە مەملەكەت قايراتكەرى 11 جەلتوقسان كۇنى 77 جاسىندا باقيلىق بولدى. قارالى حابار قازاق قوعامىنا اۋىر ءتيدى.

قازاق ادەبيەتىندە وشپەس ءىز قالدىرعان جازۋشى كەڭەس جىلدارىندا-اق لاۋازىمدى قىزمەتتەر اتقارعان. جوعارى كەڭەستە، پارلامەنت ءماجىلىسى مەن سەناتىندا دەپۋتات، قازاقستاننىڭ مەملەكەتتىك حاتشىسى بولدى.

كوپتەگەن مەملەكەتتىك ناگرادالارعا يە جازۋشىعا 2008 جىلى «قازاقستاننىڭ ەڭبەك ەرى» اتاعى بەرىلدى.

گەرولد بەلگەر

تانىمال قازاق جازۋشىسى 7 اقپان كۇنى 81 جاسىندا باقيلىق بولدى. بۇنا دەيىن ول ينفاركت الىپ، جانساقتاۋ بولىمىنە جاتقىزىلعان بولاتىن. دارىگەرلەردىڭ ايتۋىنشا، ول العاشقى ينفاركتى 1978 جىلى العان، سودان بەرى بەس مارتە ينفاركت بولعان. 1999 جىلى ينسۋلتكە ۇشىرادى. سونداي-اق، جازۋشى قانت ديابەتىمەن دە اۋىرعان.

1934 جىلى ساراتوۆ وبلىسىندا دۇنيەگە كەلشگەن گەرولد بەلگەر 1941 جىلى وتباسىمەن سولتۇستىك قازاقستان وبلىسىنا دەپورتاسيالانعان. اباي اتىنداعى قازاق مەملەكەتتىك پەداگوگيكالىق ينستيتۋتىن ءتامامداعان ول ءار جىلدارى جامبىل وبلىسىندا ورتا مەكتەپتە، «فەنيكس» الماناحىندا، قىزمەت ەتكەن. 1994-1995 جىلدارى ق ر جوعارى كەڭەسىندە دەپۋتات بولدى.

جازۋشىنىڭ جەكە وزىنە تيەسىلى 53 كاتابى جارىق كورگەن. سونداي-اق، 100-دەن استام بىرلەسكەن ەڭبەكتەردى قۇراستىرۋعا قاتىسقان.

نۇرلان بالعىنبايەۆ

14 قازاندا ەلىمىزدىڭ بۇرىنعى پرەمەر-مينيسترى، ۇزاق جىلدار بويى مۇناي-گاز سالاسىندا قىزمەت ەتكەن مەملەكەت قايراتكەرى 68 جاسىندا اۋىر ناۋقاستان كوز جۇمدى. مارقۇم اتىراۋ قالاسىنداا جەرلەندى.

نۇرلان بالعىنبايەۆ 1997-1999 جىلدار ارالىعىندا قازاقستاننىڭ پرەمەر-مينيسترى بولدى. «قازاقويل» ۇلتتىق كومپانياسىنىڭ، «قازاقستان مۇناي ينۆەستيسيالىق كومپانياسى» اق-نىڭ پرەزيدەنتى قىزمەتتەرىن اتقاردى. سونداي-اق، پرەزيدەنت كەڭەسشىسى لاۋازىمىن اتقارىپ، يتالياندىق Eni مۇناي-گاز كومپانياسىمەن بىرلەسكەن جوبالاردى جۇزەگە اسىرۋعا اتسالىستى.

نۇرلان بالعىنبايەۆ سىرقاتتانىپ جاتقاندا يمانعالي تاسماعامبەتوۆ، بولات وتەمۇراتوۆ سىندى ەلگە تانىمال ازاماتتاردىڭ ناۋقاستىڭ كوڭىل-كۇيىن سۇراپ بارعانى اقپارات قۇرالدارىندا جاريالاندى. ەل پرەزيدەنتى نۇرسۇلتان نازاربايەۆ تا اتىراۋ قالاسىنا ساپارى بارىسىندا بۇرىنعى پرەمەر-مينيستردىڭ ۇيىندە بولىپ، حال-احۋالىمەن تانىسقان ەدى.

نۇرلان قاپپاروۆ

26 ناۋرىز كۇنى قىتايدا ءىس-ساپاردا جۇرگەن شاعىندا «قازاتومونەركاسىپ» ۇلتتىق كومپانياسىنىڭ باسقارما ءتوراعاسى نۇرلان قاپپاروۆ دۇنيەدەن وزدى. قازانىڭ سەبەبى جۇرەكتىڭ كەنەتتەن توقتاپ قالۋى دەپ حابارلاندى.

قاپپاروۆ نۇرلان جامبىل ۇلى الماتى تەحنولوگيا ينستيتۋتىن، گارۆارد ۋنيۆەرسيتەتىنىڭ مەملەكەتتىك باسقارۋ مەكتەبىن ءتامامداعان. ءار جىلدارى «اكسەپت» كورپوراسياسى، «قازترانسويل»، «قازاقويل» سىندى كومپانيالاردا قىزمەت ەتتى. 1991-2001 جىلدارى قازاقستان رەسپۋبليكاسى ەنەرگەتيكا جانە مينەرالدى رەسۋرستار ۆيسە-مينيسترى، 2003-2007 جىلدارى «قازينۆەستبانك» اق ديرەكتورلار كەڭەسىنىڭ ءتوراعاسى، كەيىن «Lancaster Group Kazakhstan» اق-ى ديرەكتورلار كەڭەسىنىڭ ءتوراعاسى، 2012-2014 جىلدارى قورشاعان ورتانى قورعاۋ ءمينيسترى لاۋازىمدارىندا بولدى. 2014 جىلدىڭ تامىزىندا «قازاتومونەركاسىپ» ۇلتتىق كومپانياسىنىڭ باسقارما ءتوراعاسى بولىپ تاعايىندالدى. نۇرلان قاپپاروۆ كومپانيا باسشىلىعىندا وتاندىق اتوم ونەركاسىبىندەگى رەسەي ىقپالىن ازايتۋ بويىنشا ەڭبەكتەندى دەيتىندەر كوپ.

باتىرحان شوكەنوۆ

29 ساۋىردە تانىمال قازاقستاندىق ءانشى باتىرحان شوكەنوۆ 52 جاسىندا ينفراكتان قايتىس بولدى.

ءانشى ونەردەگى كارەراسىن روزا رىمبايەۆانىڭ ساكسوفونيستى رەتىندە باستاعان بولاتىن. 1988 جىلى دوستارىمەن بىرگە «ا-ستۋديو» توبىن قۇردى. ءانشىنىڭ دۇنيەدەن وزۋى تىڭدارماندارىنا اۋىرعا سوقتى. 8 جەلتوقساندا الماتىدا باتىرحان شوكەنوۆتى ەسكە الۋ كونسەرتى ءوتتى.

راحات الييەۆ

24 اقپاندا اۆستريا تۇرمەسىندە ءولى كۇيىندە تابىلدى. مەديسينالىق ساراپتاما مارقۇمنىڭ مۇردەسىنەن كۇش قولدانۋ بەلگىلەرىن تاپپادى.

52 جاسىندا دۇنيەدەن وتكەن راحات الييەۆ قازاقستاندا مەملەكەتتىك قىلمىستار جاساعانى ءۇشىن سىرتتاي 40 جىلعا سوتتالعان بولاتىن.

ميحايل كلەنچين

12 جەلتوقسان كۇنى قازاقستاندىق تانىمال زاڭگەر ميحايل كلەنچين اتىلىپ ءولدى. زاڭگەرلىڭ مۇنداي ارەكەتكە بارۋى كوپشىلىكتىڭ كۇدىگىن تۋعىزدى.

زاڭگەر 1980 جىلى الماتى قالاسىندا دۇنيەگە كەلگەن. ول ەلىمىزدىڭ قوعامدىق ومىرىنە بەلسەندى ارالاستى. 2007 جىلدان باستاپ جەكە زاڭگەرلىك قىزمەت كورسەتۋمەن اينالىستى. «جەمقورلىققا قارسى ءبىرىنشى مەديا-ورتالىقتى» باسقاردى. «نۇر وتان» پارتياسى جانىنداعى جەمقورلىققا قارسى كۇرەس بويىنشا كەڭەسكە مۇششە بولدى.