2015 جىل قازاقستان شوۋ-بيزنەسىندە وتباسىلىق ءومىردىڭ جولىنا تۇسكەندەر كوپ بولدى. «قازاقپارات» اگەنتتىگى بيىل ەستە قالارلىق قوعام نازارىندا بولعان تويلارعا شولۋ جاساپتى.

ناقتىراق ايتقاندا، «كەشYou» توبىنىڭ ءانشىسى ايدانا مەدەنوۆا ناۋرىزدا ۇزاتىلدى. ءانشىنىڭ تاڭداعان جارى «ينديگو» مەن FM توپتارىنىڭ پروديۋسەرى  الىشەر نۇرجانوۆ.

توي الماتى مەيرامحانالارىنىڭ بىرىندە ءوتتى. 2015 جىلدىڭ قازانىندا ايدانا مەن الىشەردىڭ شاڭىراعىندا قىز بالا دۇنيەگە كەلدى.

بيىل باقىتىن تاپقانداردىڭ قاتارىندا «ايلين» ەسىمىمەن تانىمال ءانشى اسەم جاكەتايەۆا دا بار. ول Instagramداعى پاراقشاسىندا توي كويلەگىمەن تۇسكەن سۋرەتىن جاريالادى.

جاز كەزىندە بەلگىلى تەلەجۇرگىزۋشى الان چەركاسوۆ پەن اناستاسيا كلەششەنكو وتاۋ قۇردى. توي الماتىدا اشىق اسپان استىندا ءوتتى. جۇلدىزدى جۇپ جاقىندا بالالى بولدى.

ولار قىزىنا ارنەللا ەسىمىن بەردى.

بيىل ءانشى دينارا قىرىقبايەۆا دا نەكە جۇزىگىن تاقتى. ونىڭ تاڭداۋى ولجاس ەسىمدى ازاماتقا تۇسكەن. ولار دا ءسابي كۇتىپ وتىر.

قىركۇيەكتە قوعام نازارىن اۋدارعان تاعى ءبىر توي ءوتتى. بۇل جولى اشا ماتاي مەن ارمان قوڭىربايەۆتىڭ تويى ءوتتى. اشا ماتاي قازاقتىڭ ۇلتتىق داستۇرىنە ساي جون-جورالعىمەن ۇزاتىلدى. تويعا شوۋ-بيزنەستە جۇرگەن ۇلكەن-كىشىنىڭ ءبارى باردى. جۇلدىزدى جۇپ بال ايىن بالي ارالىندا وتكىزگەنىن ماقتانىشپەن الەۋمەتتىك جەلىدە جاريالادى.

جاقىندا «كەشYou» توبىنىڭ بۇرىنعى ءانشىسى ءمولدىر اۋەلبەكوۆا ارىستان ەسىمدى جىگىتتىڭ ەتەگىنەن ۇستادى. توي تارازدا ءوتتى. ءمولدىر ءوزىنىڭ پاراقشاسىندا ازاماتىنىڭ ونەرگە قاتىسى جو ەكەنىن ايتقان. ولار ءقازىر استانادا تۇرىپ جاتىر.