تەنتىرەپ قازاق كەتپەسىن؟!.
ءبىز قايدا بارىپ كىرەمىز،
نە ءتۇرىن كورىپ مازاقتىڭ؟
زاماندا ءومىر سۇرەمىز،
ءقادىرى كەتكەن قازاقتىڭ!
بۇگىندە كىلەڭ قۇل كەششە،
ءبىر بالە تاپپاي سۇيكەنەر،
اسىپ تا تاسىپ كۇن كەشسە،
«ءشۇلدىر» مەن «ءشۇلدىر بيكەلەر»،
كەۋدەسىن توسىپ داۋىلعا،
ءۇمىتىم ءبىر كۇن وشە مە؟
ال قازاق، قىردا اۋىلدا،
ولمەستىڭ كۇنىن كەشە مە؟
ءىلدالالا مەنەن ارەڭمەن
كۇن كەشىپ ءجۇر ەك وڭگەمىز.
بولماستان بابى اۋەلدەن،
تەنتىرەپ كەتتى تەڭگەمىز!..
سەن بارمىز جانە مەن بارمىز،
تۇبىمە مىناۋ جەتپەسىن!
ەندىگى ءۇمىت تەك جالعىز:
تەنتىرەپ قازاق كەتپەسىن!..
ساعىنىش-عۇمىر
...مەن ءۇشىن بۇگىن ول كۇندەر - ۇلى ساعىنىش،
مەن ءۇشىن بۇگىن ول تۇندەر - ۇلى ساعىنىش.
تاس-تالقان ەتىپ، ءدال بۇگىن كۇيكى تىرلىكتى،
جانىمدا بۇگىن استاڭ دا كەستەڭ جىرىلىس!
ويلاردىڭ نەبىر سۇرەڭسىز اناۋ تۇنەگىن،
نايزاعاي جىرمەن ايىش تا ۇيقىش تىلەمىن!
دۇنيە ءدۇرس-دۇرس، عالامىم تۇتاس سىلكىنگەن،
شىققانداي اتىپ كەۋدەمنەن مەنىڭ جۇرەگىم!
ىشىندە ءجۇرمىن سارى الا انا ساعىمنىڭ،
كۇن دەمەي جانە ءتۇن دەمەي قانشا سابىلدىم؟
جۇرەگىم سازىپ نەمەسە شانشىپ كەتكەندەي،
مەن بۇگىن مۇمكىن سول جاندى قاتتى ساعىندىم؟..
الىستان تالىپ، جەتكەندەي ازەر كومەسكى ءۇن،
ءالى كۇن ءوزىم ىشىندە ءجۇرمىن ەلەستىڭ،
وتسە دە ايلار، وتسە دە جىلدار قانشاما،
ساعىنىشتارىمدى باسا الاتۇعىن ەمەسپىن.
ەسىمنەن كەتپەس ول كۇندەر - قايدا شۋاقتى؟
ەسىمنەن كەتپەس ول تۇندەر - قايدا شۋاقتى؟
راسىن ايتسام، تۇتاستاي مەنىڭ عۇمىرىم،
ساعىنىشتاردان تۇراتىن عۇمىر سياقتى...
ۇلى سەزىم تۋرالى ءبىر جىر...
بۇل جونىندە نەبىر اقىن تولعاعان،
بۇل شايقاستا ءوزىن تالاي قورعاعان.
بايان ەتەم ءبىر وقيعا جايىندا،
بۇل ومىردە بولعان، مۇمكىن بولماعان...
...دەپ جۇرگەندە: «ەندى قايتىپ جولامان...»
عاشىق بولىپ قالعاندايمىن مەن وعان.
كۇندىز-تۇنى كەتپەيدى ءبىر ەسىمنەن،
قىزىل گۇلدەي ۇلبىرەگەن سول ادام.
سىيلايتىنداي، «ءبارىن، ءبارىن، ءبارىن...» دەپ،
ول كۇيدىرەر الالاۋلاعان جالىن بوپ،
وسى سۇلۋ العانداي ما سيقىرلاپ،
ودان ۇزاپ كەتەتىندەي ءقالىم جوق...
كوزدەرىنە ونىڭ ءبىر مۇڭ تۇنعانداي،
كەۋدەسىندە ءبىر جانارتاۋ تىنعانداي،
مۇنداي كۇيدى بۇرىن تالاي كەشسەم دە،
مىنا سەزىم تۇڭعىش بولىپ تۇرعانداي.
ۇلى سەزىم - قاي جاسقا دا قاراماي،
تۇرساڭ داعى قالاپ، مەيلى قالاماي،
ۇلى سەزىم - پەرىشتەدەي عاجايىپ،
ءبىراق تاتتە قونادى ەكەن، عاجاپ-اي...
ءوز باسىم قاتتى شارشادىم...
جوق قىلعان ۇلتتىڭ مۇراتىن،
وزىنشە كەڭەس قۇراتىن،
تەلەارنالارى شەتىنەن
جىندى-سۇرەيلەردەن تۇراتىن،
قازاقتى عانا جات قىلعان،
وزگەنىڭ ءبارىن شات قىلعان،
قازاقتىڭ ءدىنىن، تىلىمەن،
كۇل كۇرەسىنگە لاقتىرعان،
شىعارعان جايدىڭ شاڭ-شاڭىن،
كوزىندە ۇلتتىڭ قانشا مۇڭ،
«قازاقستاندىق قوعامنان» -
ءوز باسىم قاتتى شارشادىم...
جۇماش كەنەباي
