«Drinking Book» بۇل – ىشۋگە بولاتىن كىتاپ . ونىڭ نەگىزگى سيپاتتارى مىناداي:
بۇل كىتاپتىڭ تەك 26 بەتى بار، سىرتىنان قاراعاندا باسقا كىتاپتاردان ەشقانداي ەرەكشەلىگى جوق. ءبىراق، مۇقابا بەتى بولسىن، الدە ىشكى پاراقتارى بولسىن بارىندە Drinking Book دەگەن جازۋ جازىلعان، وسى ارقىلى بۇل كىتاپتىڭ وزگەشەلىگى كومەسكى بەينەلەنىپ تۇرادى. بۇل كىتاپ 2015 جىلى دۇنيە جۇزىندەگى ەڭ كەرەمەت 25 جوبانىڭ ءبىرى بولىپ باعالانعان .
بۇل كىتاپتى شىعارعان قىزدىڭ ەسىمى: Theresa Dankovich، جاناما اتى Teri ەكەن.
ونىڭ ءوزى دە 8 جىلدىڭ الدىنداعى زەرتتەۋى نەشە ءجۇز ميلليون ادامنىڭ تاعدىرىن وزگەرتەتىنىن ويلاپ كورمەسە كەرەك .
جوعارى ءبىلىمدى حيميا دوكتورى بولا تۇرا، ول تەك قانا نازاريالىق بىلىمىنە عانا سەنبەي، قايتكەندە ءوزىنىڭ ۇيرەنگەن ءبىلىمىن كەرەككە جاراتۋ جونىندە كوپ نازار سالىپ جۇرەدى .
ول زەرتحانادا 8 جىل تۇرعاننان كەيىن نانو كۇمىس دەپ اتالاتىن يوندى توسىن بايقايدى، بۇل نانو كۇمىس باكتەريانىڭ قاس جاۋى ەدى .
ءبىراق، باكتەريانىڭ قۇرساۋىنان قۇتىلماعان قاي ورىن بار ەدى ؟
ونىڭ ەسىنە ءبىر نەشە جىل الدىنداعى افريكادا بولعان ساپارى ەسكە تۇسەدى ، ول جاقتىڭ تابيعاتى تامساندىرعانمەن، كوزىمەن كورگەن ءبىر ىسكە قاتتى قايعىرعان بولاتىن ...
ونداعى بالالار تازا سۋ ىشە المايتىن.
قۇدىق سۋ بولعانمەن ، ودان شىققان سۋدىڭ ءتۇسى مىناداي ەدى
ءبىز ءۇشىن تۇك قادىرى بولماعان ءموپ-مولدىر سۋدىڭ ولار ءۇشىن وسىنشاما قول جەتپەس نارسە ەكەنىن ول ويلاپ كورمەگەن ەدى.
دۇنيە جۇزىندە جىلىنا 663 ميلليون ادام سۋ تازارتۋ ءقۇرىلعىلارى جوقتىعىنان تازا سۋ ىشە المايدى. سونىڭ سەبەبىنەن ءتۇرلى اۋىرۋلارعا دۋشار بولىپ، ءولىپ جاتقان ادامداردىڭ سانىن ەسەپتەۋ ءتىپتى قيىن ەدى، بۇل اسىرەسە دامۋ ۇستىندەگى مەملەكەتتەر دە اسا اۋىر جاعداي بولاتىن.
بۇنداي جاعدايعا كەز كەلگەن سوڭ Teriءدىڭ ويىنا كەنەتتەن «نانو كۇمىس يونىن قاعازعا ەنگىزۋ ارقىلى ، سۇزگى قاعاز جاساۋعا بولا ما ؟» دەگەن سۇراۋ ساپ ەتە تۇسەدى.
زەرتحانادان شىقپاي بىرنەشە اي ساپالى زەرىتتەۋ جۇرگىزىپ ، نەشە مىڭ قايتارا تاجىريبە جاساۋدىڭ ارقاسىندا، ول اقىرى ماقساتىنا جەتتى !
ول اقىرى نانو كۇمىس يونىن قاعازعا ءسىڭىرىپ، باكتەرياعا قارسىلىعى ەرەكشە سارى ءتۇستى قاعاز جاساپ شىعادى.
تاجىريبە دالەلى بۇل قاعاز سۋ قۇرامىنداعى 99% باكتەريانى تازارتاتىنى ايقىندالادى .
بۇل اقش-تىڭ اۋىز سۋ تازالىق مولشەرىنەن اسىپ تۇسەدى. تاجىريبە ناتيجەسى بويجەتكەندى شەكسىز قۋانىشقا بولەيدى .
ول دەرەۋ زەرتتەۋ جاساعان قاعازىن كوتەرىپ وڭتۇستىك افريكا، كەنيا ، ينديا قاتارلى مەملەكەتتەرگە بارىپ 25 ءتۇرلى ەڭ اۋىر لاستانعان سۋ قاينارىن تەكسەرىپ كورەدى .
ول جەرگىلىكتى تۇرعىندارمەن ەتەنە ءسىڭسىپ ، ولارمەن بىرگە وسى سۇزگى قاعازدى سىنادى.
ول جەرگىلىكتى تۇرعىندارمەن اڭگىمەلەسۋ بارىسىندا، ەڭ قورقىنىشتىسى سۋدىڭ لاستانۋى ەمەس، قايتا ولاردىڭ سۋدى پايدالانۋ جونىندەگى تۇسىنىگى تاياز ەكەنىن ءبىلىپ قاتتى تاڭىرقايدى.
بويجەتكەننىڭ ويىنا اقىرى قونىمدى امال تۇسەدى، ول ازىقتىق دارەجەدەگى سيانى پايدالانىپ سۋدى عىلىمي تۇتىنۋ جولىن قاعازعا جازىپ شىعىپ، كىتاپ ەتىپ باستىردى .
بۇل كىتاپتىڭ ءار پاراعى ورتا ەسەپپەن 100 ليتر سۋ تازارتا الادى.
پىكىر قالدىرۋ