كينو سالاسىندا وزىندىك ورنى قالىپتاسىپ ۇلگەرگەن اكتەر، ءارى رەجيسسور نۇرتاس ادامبايەۆ بۇگىنگى كۇنى دەپۋتات بولۋعا ۇمتىلىپ جاتقان ۇمىتكەرلەر جايلى پىكىرىن ايتتى.
«شىنىمدى ايتسام، ءبارىنىڭ زاڭ شىعارۋشى ورگاندار ورنىنا ۇمتىلىپ جاتقانى، جان دۇنيەڭدى اۋىرتادى ەكەن. ولاردى بۇل قىزمەتتى اتقارا الا ما، جوق پا، ول ويلاندىرمايتىن سياقتى. باستىسى سوعان جەتسە بولدى. مەنىڭشە، ولار ەلدىڭ جاعدايىن جاقسارتۋعا ەمەس، تەك دەپۋتات بولۋعا عانا ۇمتىلادى. ويتكەنى، ابىرويلى اتاق قوي. دەپۋتات بولسا، تۋىستارى اراسىندا دا بەدەلى ءوسىپ، ولاردىڭ بالالارىنا ۇلگى بولادى. توستەرىنە كوك ءتۇستى بەلگىنى تاعىپ الىپ، اقىلدى كەيىپ تانىتىپ، قاراپايىم حالىقتان نە كەرەگىن سۇراپ، سونى جونگە كەلتىرۋگە ۋادە بەرىپ جۇرەدى»، – دەپ جازادى رەجيسسەر Facebook پاراقشاسىندا.
بۇل كورىنىس كينو سالاسىنداعى كوپتەگەن رەجيسسەرلاردى ەسكە تۇسىرەدى. ونداي «رەجيسسەرلارعا»، نەگىزىنەن، «director» دەپ اتالاتىن ورىندا اقىلدى كەيىپپەن وتىرعانى، اينالاسىنداعىلاردىڭ شاي تاسىپ جۇرگەنى ماڭىزدى سەكىلدى. ءسويتىپ وتىرىپ سەنارييلەردى تۇزەگەن بولادى.
بىردە كومەديا تۇسىرگەن كينو سالاسىنىڭ مايتالمانىن سۋرەتتەن كورىپ قالدىم. ونىڭ سۋرەتكە سالماقتى، اقىلدى ءتۇر جاساعىسى كەلگەنى كورىنىپ تۇر. الايدا، ول كومەدياداعى دينوزاۆردىڭ سۇيەگىن جوعالتىپ العان ارحەولوگقا كوبىرەك ۇقسايدى.
ءبىر كەزدەرى ماعان «سەن رەجيسسەرسىڭ، سەن اكتەرلارعا جاقىندامۋىڭ كەرەك. ولاردى اسسيستەنتەر شاقىرۋى ءتيىس. سەن مۇندا بۇيرىق بەرۋ كەرەكسىڭ. سەن ءوز بەدەلىڭدى تۇسىرمەۋىڭ كەرەك. ونداي جۇمىستارعا ارنايى ادامدار بار»، – دەگەن ەدى. سول ساتتە مەن كەيبىر ادامداردىڭ تەك رەجيسسەر بولىپ وينايتىنىن ءتۇسىندىم. ولارعا ءىستىڭ ناتيجەسى ەمەس، وزگەلەردىڭ كوزقاراسى، رەجيسسەر دەپ مويىنداعانى الدەقايدا ماڭىزدى.
سول سياقتى بۇگىندە دەپۋتات بولۋعا تالپىنىپ جاتقاندار دا، ايتەۋىر دەپۋتات اتانعىسى كەلەتىندەر.
بۇل مەنىڭ ءوز قيالىمنان تۋعان جەكە پىكىرىم.
نەلىكتەن ءبىزدىڭ ەلدە باستىق، دەپۋتات بولۋعا جانتالاسىپ جاتادى؟ اتا-انالار بالالارىنا كىشكەنە كەزىندە «باستىق بولاسىڭ» دەپ جاتاتىن ەدى عوي. مۇمكىن سودان شىعار. بىزدىكىلەر ءۇشىن مانساپ ونىڭ اتقاراتىن رولىندە ەمەس، اتاعىندا سياقتى. ءبىزدىڭ جىگىتتەر «گيتارامەن تۇرامىن با جىندى سياقتى تويدا؟» دەپ كەيبىر جۇمىستاردى نامىس كورەدى. ال، تاشكەنتتەن كەلگەن جىگىتتەر قانداي جۇمىس بولسا دا ىستەۋگە ءازىر بولىپ، ايتەۋىر ءناپاقا تابۋدى كوزدەيدى. ال، بىزدىكىلەر باياعىدا وزىنە ايتقانداي ءوزىنىڭ قاشان «باستىق بولاتىن» ءساتىن كۇتىپ جۇرە بەرەدى.
يستوچنيك: Stan.kz
