ءبىرىنىڭ جۇرەگى اۋىرىپ، ەكىنشىسىنىڭ جۇرەگى دىرىلدەپ جۇرگەن ۇمىتكەرلەرگە حالىق ءارتيسى ماقپال ءجۇنىسوۆانىڭ ءوز ايتارى بار. حالىقتىڭ ەركەسى ماقپال ءجۇنىسوۆاعا دا كەزىندە دەپۋتات بولۋعا بىرنەشە رەت ۇسىنىس ءتۇسىپتى. الايدا، وسى ءبىر سىڭعىرلاعان كۇلكىسى بارىنە كەدەرگى كەلتىرىپتى. وعان قوسا ءانشى ساحنادا ءان ايتپاسا، باسىنىڭ ساقيناسى ۇستاپ قالادى ەكەن، - دەپ حابارلايدى 31-ارنا «جۇلدىزدار جارقىرايدى» حابارىندا.

ال، بىلتىر تانىمالدىلىعى جاعىنان تالانتتى انشىلەردىڭ ءوزىن باسىپ وزعان مس سايلاۋبەكتىڭ باعى اشىلدى. تۇسىنىكسىز تىلدە ءان شىرقاپ عالامتوردى ءدۇر سىلكىندىرگەن رەپەردى مۇسىلماندار وداعى دەپۋتات مىنبەرىنەن كورگىسى كەلەتىنىن اشىق بىلدىرگەن بولاتىن.

الايدا، ءبىراز ونەر يەلەرى تاپسىرىستار جوق دەپ شەتەلدە كوسىلىپ دەمالىپ جاتقاندا رەپەردىڭ جۇمىسى قاۋىرت. مۇلدەم بوس ۋاقىتى جوق. دەگەنمەن، ول ەل قالاۋلىسى بولعىسى كەلەدى. ءبىراق، ول ءۇشىن تانىمالدىلىعىمدى ودان سايىن ارتتىرۋىم كەرەك دەگەن رەپەر بار كۇشىن سالىپ جاتىر.

سونىمەن قاتار مس سايلاۋبەك سايلاۋعا بيىل قاتىسپاعانىمەن، بولاشاقتا باعىن سىناۋعا دامەلى. رەپەر بۇگىندە سول مانداتقا ساي بولۋ ءۇشىن شەشەندىك ونەر دارىستەرىنە قاتىسىپ ءجۇر.

سايلاۋعا قاتىسۋ ءۇشىن، پارتيا تىزىمىنە ىلىككەن قايرات نۇرتاس پەن جانار دۇعالوۆا وزگە ارىپتەستەرىنە قاراعاندا كوپ سىنالدى. بۇل ءجايتقا بەي-جاي قاراي الماعان قايراتتىڭ اناسى ءارى پروديۋسەرى گۇلزيرا ايداربەكوۆا ءوزىنىڭ پىكىرىن باسپا ءسوز بەتتەرىندە اشىق جاريالاۋعا كوشكەن. وسى ماسەلەگە بايلانىستى سۇحبات الۋ ءۇشىن ءبىز دە  حابارلاسقان ەدىك، ەمدەلىپ جاتقانىن ايتىپ، تەك تەلەفون ارقىلى جاۋاپ بەردى.

ءتىپتى، ءتۇرلى الەۋمەتتىك جەلىلەردە قايراتتى كەلەمەجدەيتىن سۋرەتتەردى كورگەن گۇلزيرا حانىم ولاردى بىرەۋلەر قاساقانا جاساپ وتىر دەگەن پىكىردە. ال قايراتتىڭ ءوزى دەپۋتاتتىق ءۇشىن ونەردەن دە باس تارتۋعا دايىن ەكەن. ال، قايراتتىڭ الدىنداعى بۋىننىڭ سايلاۋعا قاتىستى پىكىرى ءار ءتۇرلى.

ال، ءانشى جانار دۇعالوۆانىڭ ەكس-پروديۋسەرى بايان ەسەنتايەۆا ونىڭ دەپۋتاتتىققا ۇسىنىلىپ جاتقانىن ەستىگەندە:

دەگەنمەن، ءماجىلىس دەپۋتاتى مانداتىنا  شوۋ-بيزنەس وكىلدەرى مەن سپورت مايتالماندارىن تارتۋ يدەياسى تاڭسىق دۇنيە ەمەس. الايدا، شەتەلدە ولاردى سايلاۋ ناۋقانىنا اتسالىسۋ ءۇشىن عانا تارتاتىن كورىنەدى. ال، دودادا كىمنىڭ اتقا شاۋىپ، كىمنىڭ بوسقا شاپقانى ءبىر جارىم ايدا-اق انىقتالادى.