Jaý shapqan beıbit kúnde shańyraǵyń,

Shaıqalyp,

Beý qazaǵym,

Ańyradyń!

Kóshinde tastaı qashqan qırandysy,

Aýylym týyp-ósken qańyradyń.

Bosqynnyń jıyrma bes jyl kúnin kórip,

Tentirep, qalalarǵa kettiń órip.

Úıińdi salyp alǵan qıratqanda,

Shyryldap, ara tústim, kózim kórip.

Aýylym –

Altyn besik, panam ediń,

Jerińdi qasıetti –

«Anam!» – dedim.

Dalańnyń astyn úńgip tonaǵanda,

Qazaǵym, áý basynan úndemediń.

Satylyp shetelderge jerdiń asty,

«Jaýyzdyń» haram oıy iske asty –

Qytaıdy tý syrtynan jibergende,

Qazaqty tyrp etkizbeı,

Qara basty...

Satqyndyq,

Opasyzdyq,

Aram pıǵyl,

Jaýyzdyq oılaǵandy «qalmaq»,

«Uıǵyr» –

«Tazartsa» qazaq jerin qazaǵynan,

Ornyna kelmekshi eken qytaı qurǵyr...

Aýylym –

Temir qazyq,

Dińgegim-aı,

Kıeli topyraǵyń –

Jórgegim-aı!

Órbigen qundaǵyńnan –

Tilim,

Dilim

Aırylsam –

Tirideıin, ólgenim-aı!

Qazaqtan týmaǵan ba Abylaıym?!

Týmasa –

Rýhyn bershi,

A, Qudaıym!

Qasqaıyp,

Qarsy turyp,

Jaýyzdyqqa,

Jyrymmen kek jebesin men qadaıyn!

Qýanysh MUQTAI

31.05.16 jyl