Sultan Danıarqanuly 1972 jyly Shyńjańnyń Qorǵas aýdanynda týylǵan, Qazir Qytaı ǵylym akademıasy, Shyńjań ekologıa jáne geografıa zertteý fılıaly, Keńestikten jer betin ólsheý jáne júıeni sımvoldaý zertteý bóliminiń qyzmetkeri, doktor, magıstratýra jetekshisi. 1998-2001 jyldar aralyǵynda Hyhaı ýnıversıtetinde egistik jerlerdiń sý isteri kásibin oqyǵan. 2001-2005 jyldary atalmysh ýnıversıtette «Osy zaman aýyl sharýashylyǵy sý-topyraq qurylysy» mamandyǵyn ıgerip, doktorlyq qorǵady.

Sultan 2008 jyly «Shyńjań jas ǵylymı qyzmetkerleri qoǵamy» tóraǵasynyń orynbasary bolyp saılansa, 2010 jyly «Shyńjań topyraqtaný ǵylymy qoǵamynyń» orynbasar bas hatshysy bolyp taǵaıyndalǵan; «Qurǵaq óńir geografıasy», «Jaratylystyq ǵylym», «Geologıa ǵylymy aqparat gazeti», «Shyńjań aýyl-sharaýshylyq ǵylymy» syndy beldi basylymdarda redaktor qyzmetin atqardy.  2012 jyly Qytaı ǵylym akademıasy, Shyńjań ekologıa jáne geografıa zertteý fılıaly, İle ózeni óńiriniń ekologıasyn zertteý pýnktiniń orynbasar bastyǵy mindetine taǵaıyndalǵan.

2009 jyly  «Qytaı-Japon jastar jáne jasóspirimder tájirıbe almastyrý jyly» aıasynda Japonıada issaparda boldy. 2011 jyly Qazaqstanda ashylǵan 4-kezekti «Búkil jershary energıasy jáne ekologıalyq strategıany baıandy damytýdyń «RIO-20in2012» bas qosý jıynyna qatysqan; .

2011 jyly Fransıada ótken 3 kezekti «Qurǵaq jáne jartylaı qurǵaq óńirlerdiń sý, ekologıalyq júıesin baıandy damytý» halyqaralyq konferensıasyna qatysqan.

Ǵylymı maqalalary:

 «Jaqynǵy 40 jyldaǵy Tıan-SHannyń soltústik betkeıi aýaraıynyń jáne ekologıalyq ortasynyń jersharynyń jylynýyna bolǵan áseri», «Jasyl alqap pen shól dala arasyndaǵy ońirdiń GSVAC sý, jylý tasymalyn sımvoldaý júıesi», «Tarym ózeni tómengi aǵary qumaıttanýynyń jer asty sýyna bolǵan áseri», t.b.