Úı ishinde keremet jaıdary, tentek balalar syrtqy ortada uıalshaq, jasyq bolyp qalady,mýndaı balalar rasymen óte kóp,osy jaǵdaı jóninde baıandaı ketsem.

Balada syrtqy ortadaǵy tuıyqtyqtyń qalyptasýyna kóptegen faktorlar áser etedi, buǵan úı tárbıesi de kiredi. Shekten tys balany shekteý men qatty erkeletip jiberý de balanyń syrtqy ortada tuıyqtanýyna áser etedi. Qarym-qatynas kezinde balanyń jany jaralanǵan kezderi bolsa, bala syrtqy ortaǵa saqtyq kóz qaraspen qarap,ashylyp sóılemeıtin bolady.

Negizi balanyń qoǵamdyq ortada tuıyq, uıalshak bolýy, onyń qarym-qatynas jasaǵanda qobaljyp, qorqatynynyń belgisi eken, mundaı balalar úı ishinde irkilmeı sóıleýi múmkin. Biraq sahanada nemese qoǵamdyq ortada qatty qyzaryp, úndemeı, tipti tartynshaqtaıdy. Sebebi bala ózin basqa adamdardyń úı ishindegi adamdardaı jaqsy kórýin kalaıdy, biraq kóp jaǵdaıda óziniń áreketteri úshin mazaqqa qalamyn ba dep qorqady.

Osy jaıttardy boldyrmas úshin úı jaǵdaıynda balaǵa ne aıtylyp júrgenine nazar aýdara júrińiz. Bala ol jeke tulǵa, onyń tolyq qalyptasýy úshin oǵan jetkilikti túrde erkindik bergen jón. Onyń otbasyndaǵy adamdarmen qarym qatynasyna kóbirek qoldaý bildirip, onyń ishki sezimimen sanasyp,onyń isteken isin túsindirýge múmkindik berińiz, aıtar oıyn tolyq jetkizýin qadaǵalap, sózine qulak salyp, ony túsinýge tyrysqan jón.

Basynda, siz balańyzben birge bógde adamdarmen nemese ózge balalarmen birge aralasyp kórińiz, bala ózin sol ortada qaýipsiz sezinsin, oıynshyqtar kóp bereńiz, basqa balalardyń sizdiń balańyzben óz erkimen oınasyn, ony men jaqsy dos bolǵan balaqaılarmen aralasýyn qoldańyz, ár daıym jigerlendirip otyryńyz, eń bastysy balaǵa kóp qabaq shytpańyz.

Osylaı birte-birte balany qoǵamǵa aralastyrý arqyly, aqyryndap qobaljý, tartynshaqtaý, tuıyqtanýyn joıýǵa bolady.

Madına Ordabaı