Taılandtyq fıtnes-trener jáne model Súzı Eıg Bishkekte turyp jatqanyna jarty jyl. Eki uldyń anasynyń jasy qyryqta, biraq dene symbatyna qarasańyz 25 jasar qyzdaı. "Spýtnık-Kyrgyzstannyń" tilshisi Súzıdiń sulýlyq syry men Qyrǵyz elin jaqsy kórýiniń sebebin anyqtapty.
«Uzaq jyldar boıy men Taılandta bı sabaǵynan dáris berdim. Sosyn magıstratýraǵa túsip, AQSH-qa qonys aýdardym. Oqýdan keıin fıtnes-trenıngpen aınalysa bastadym. Balalym shaǵym Taılandta ótti. Azıalyq áıelder kóbinese úıde otyrady, balaǵa qaraıdy, sóıtip ózine ýaqyt tappaıdy. AQSH-ta jaǵdaı basqasha. Men mysaly názikjandylar da shtangi kótere alatynyn dáleldegim keledi» deıdi Súzı.
Súzıdiń aıtýynsha dene symbaty men sulýlyǵyn saqtaǵysy keletin áıel bastysy durys tamaqtanyp, dene jattyǵýlaryn jasap turýy qajet.
«Kez kelgen jasta áıel adam ádemi qalpyn saqtap qalǵany shart. Densaýlyqtyń qalpyna kelmeıtindigin esten shyǵarmaýy kerek. Durys tamaqtaný degen kúndelikti irimshik qana jeý degendi bildirmeıdi ǵoı. Paıdaly tamaqtar kóp izdegenge» dep keńes berdi taıland qyzy.
Súzıdiń oıynsha ol qyrǵyz erkekterine unamaıdy. «Meniń fotolaryma qarap, olar ǵaıbat, aýyr sóz jazýdan jalyǵar emes. Ondaı pikirlerdi oqyǵanda bastapqy kezde kóz jasqa erik beretinmin. Qazir etim úırenip ketti. Qansha degenmen mentalıtet ártúrli» deıdi ol.
Súzıge Qyrǵyzstan qatty unapty. Qyrǵyzdyń ulttyq taǵamdaryn ol súısinip jeıdi eken. "Qyrǵyzdar óte qarapaıym halyq. Meıirban jáne tárbıeli jandar. Qyrǵyzsha da, oryssha da túsinbesem de qıyndyq kórip júrgen joqpyn» dep oıyn qorytyndylady.
