Iran prezıdenti aımaqtyq saparynyń jańa kezeńinde Armenıa, Qazaqstan jáne Qyrǵyzstan elderine sapar shegedi dep habarlaıdy parstoday.com.

Iran prezıdentiniń aqparat taratý keńsesi basshysynyń orynbasary Parvız Ismaılı jeksenbi kúni Iran teleradıo birlestigine bergen suhbatynda: «IIR prezıdenti Hasan Rýhanı kórshiles jáne aımaq elderimen qarym-qatynastaryn nyǵaıtý jáne yntymaqtastyǵyn tereńdetý saıasatyn jalǵastyrý maqsatynda Armenıa prezıdentiniń resmı shaqyrýymen sársenbi kúni jıyrma birinshi jeltoqsanda osy eldiń astanasy Erevan qalasyna sapar shegedi.

Odan keıin Iran prezıdenti Qazaqstannyń Elordasy Astanaǵa sapar shegedi. Atalmysh sapar barysynda eki el basshylarynyń suhbattasýymen qatar, joǵary laýazymdy delegasıalar otyrysy, yntymaqtastyq jónindegi memorandýmdarǵa qol qoıý rásimderi jáne Iran prezıdentiniń baspasóz konferensıasy ótkiziledi», dedi.

Iran prezıdentiniń aqparat taratý keńsesi basshysynyń orynbasary Rýhanıdiń aımaqtyq saparynyń Qyrǵyzstanǵa saparmen aıaqtalatynyn aıtyp: «Rýhanıdiń Bishkekke saparynyń baǵdarlamasy boıynsha Qyrǵyzstan prezıdentimen kezdesý, túrli salalardaǵy birneshe yntymaqtastyq memorandýmyna qol qoıý, ekonomıka belsendileriniń ortaq keńesi men ortaq baspasóz konferensıasyn ótkizý josparlanǵan», - dedi.