Ońtústik Qazaqstan oblysy Otyrar aýdany Aqqum aýylynyń turǵyndary jappaı  «leıshmanıoz» aýrýyna  shaldyqty. Halyqaralyq densaýlyq saqtaý uıymynyń málimetinshe atalmysh indet 88 elde kezdesedi. Onyń 72 damyp kele jatqan elder bolsa, 13 eń kedeı memleketterde kezdesedi.  

Onyń 17 túri bar.  Jaranyń deneden ketýi úshin 7 aıǵa deıin ýaqyt qajet. Biraq, jara ornynda tyrtyq qalady.

Bul indetpen Aqqum aýylynyń turǵyndary birneshe jyl boıy kúresip keledi. Eńkeıgen qarıadan, eńbektegen balaǵa deıin leıshmanıoz aýrýyna shaldyǵady eken. Aqqum aýylynda atalmysh aýrý alǵash ret 1980 jyly tirkelgen. Sol jyly zalalsyzdandyrý jumystary júrgizilip, aýrý sap tıylǵan. Alaıda, 1996 jyly leıshmanıoz qaıta paıda bolǵan. Qazir aýyl turǵyndary indetpen qalaı kúresý kerek ekenin bilmeıdi. «Dárigerlerdiń jazyp bergen dárileri kómektespeıdi» deıdi olar.

Otyrar aýdanynyń sanıtarly epıdımıologıalyq qyzmeti aýrýdyń shyqqan oshaǵyn anyqtap, qajetti sharalar qoldanatynyn aıtady.