Esterińizge sala keteıik, QR  Parlamenti depýtattarynyń jalaqysy 2017 jyldyń 1 naýryzynan bastap ósken bolatyn. Ázirge depýtattardyń jalaqysy qansha paıyzǵa óskeni naqty belgili emes, keıbir derekterde 30 paıyz, ózgelerinde 50 paıyz dep kórsetilgen. «Qamshynyń» hat qorjynyna halyq qalaýlarynyń alatyn nápaqasy týraly Aımuhanbet Beısembekovtiń «900 000 jáne 24 000 jalaqy nemese 12000 týraly oda!» degen óleńi kelip tústi. Ózekti máseleni qaýzaǵan jyr joldaryn oqyrman nazaryna usynamyz.

Senattaǵy «semirgen» halyqtyń «erke quldary-aı!»

Jarty mıllıon  jetpeı júrgen puldar-aı!

Jıyrma  tórt myń tómengi belgilegen jalaqy,

Qaı jerimen oılaǵan Mınfınniń «myrza»  qýlar- aı!

Aqsaraıda otyryp qamdaryńdy oılamaı,                                                                                               

Aıtsańdarshy osyny, aılyq surap saıramaı!                                                                                                         

«Sengen qoıy» sender me? Halyqtyń mingen moınyna,                                                                             

Mynalaryń shyn bolsa, «tógildi abyroı aırandaı!»

Qymbatshylyq halyqty býyndyryp barady.

On eki  myńǵa syıypty, «kúnkóris» pen tamaǵy!

Halin bilmes halyqtyń úkimeti usynǵan,

Osy zańdy qoldaǵan Parlament qaıtyp ońady!

Depýtattar alatyn toǵyz júz myń jasasyn!

On eki myńǵa «kúnkóris» - halyq berdi «batasyn!»

Jıyrma tórt myńǵa senderdi otarǵyzsa bir jylǵa,

Attan! - salyp «kók úıden» báriń túgel qasharsyń!

Qara halyq kún sanap kedeılenip barady.

Shetten alǵan qaryzdy mıllıardtap sanady!

Qul bolsańdar halyqqa, «Qojańdy» toıdyr aldymen,

Ózderińdi oılamaı, bolsańdar eger sanaly?!...

Aımuhanbet  Beısembekov