Alty balacy bar jalǵyzbasty áke kútpegen baqytqa keneldi

/uploads/thumbnail/20170710015023798_small.jpg

Omsk qalasynyń turǵyny Anton Kýdrávsev jaıly áleýmettik jeli kóp aıtty. Ol 9 bala ósirip otyrǵan ardaqty áke, shańyraqtyń otaǵasy. Balalarynyń 5-eýi óziniki bolsa, 4-eýin asyrap alǵan. Onyń ómiri mahabbatqa toly. «Batyr» ataǵyna laıyqty er azamat ómirinde kóp azap shekti. Birinshiden, qaterli isikten súıgen jary qaza tapty. Bul qaza Anton úshin aýyr soqqy boldy. Alaıda, balalary úshin berilmeýi kerek edi. Búgingi tańda Antonnyń ómirinde onyń balalaryn shyn jaqsy kórip, qushaǵyna basqan áıel paıda boldy. Endi shańyraqtary qaıta shatyqqa keneldi.

Anton áskerden qaıtyp kelgende óziniń súıgen qyzy Anámen otaý qurady. Sóıtip, alty balanyń ata-anasy atanady. Onyń úsheýi ul bolsa, endigisi úshem qyzdar. Biraq baqyttyń shyrqy bir sátte buzylady. Aná qaterli dertke shaldyǵady. Anton áıeliniń saýyǵýy úshin qolynan kelgeniniń bárin istep baqty, alaıda, Aná kóz aldynda sola berdi. Ómirge degen úmiti úzildi. Aqyry, qaza tapty.

Áıeliniń óliminen keıin Anton uzaq ýaqyt óz-ózine kele almaı júrdi. Tipti,qyzdaryn óziniń anasynyń qolyna tastap, uldarymen qala syrtyndaǵy Aná ekeýi birge turǵyzǵan úıge baryp turady. Balalary úshin óziniń kásibin ýaqytsha shetke ysyryp qoıady. Sebebi, jumystan góri solarǵa kerek ekenin sezindi.

Ekinshi ret úılený jaıly oılamaǵan da edi. Antonǵa jáne onyń balalaryna qamqor bolǵysy kelip, qol ushyn sozǵan áıelder kóp boldy. Biraq, áıeliniń ornyn eshkim basa almasyn bildi.

Ýaqyt syrǵyp óte berdi. Jalǵyzbasty áke Lúdmıla esimdi áıelmen tanysty. Alǵashynda, kóńilinen shyqqandaı bolyp, kezdesýlerge shaqyryp júrdi. Lúdmılany synamaq bolyp, alǵashqy kezdesýge balalaryn ertip barǵan. Bári ózi kútkendeı boldy. Lúdmıla Antonnyń balalarymen ońaı til tabysyp ketti. Kezdesip júrgen eki jas úılenýge bel baılaıdy. Lúdmılanyń birinshi nekesinen balasy bolǵan. Sóıtip, kópbalaly Antonnyń otbasy taǵy bir balaǵa tolyqty.

Antondy kezdestirmeı turyp, Lúdmıla erekshe tús kórgenin aıtady. Túsinde saıabaqta ózi tanymaıtyn jeti balamen qydyryp júrgen eken. Osy jaǵdaıdan soń áleýmettik jelilerdiń birinen Antondy baıqap qalady. Tanysyp, sóılesedi. Tipti, alǵash sóılesken kúnniń ózinde Antondy júreginiń bir bólshegi ekenin sezedi. Alǵashynda, Antondy alty balasymen qabyldaý qıynǵa soǵatyndaı kórindi, biraq qazir sol balalarynan nemere súıýdi armandap júrgenin aıtady.

Sońǵy jylda Kýdrávsevterdiń otbasynda taǵy bir tolyǵý boldy. Erli-zaıyptylar jetim qalǵan egiz balalardy asyrap alady. Ózderine kórshi úıde turǵan sábılerdiń anasy týberkýlez dertinen qaza tapqan, al ákesi túrmege toǵytylady. Endi úlken shańyraqta toǵyz bala boldy. Anton balalarynan eshqandaı aýyrtpalyqty sezinbeıtinin aıtty. Kerisinshe, árqaısysyna qaraǵan saıyn áke júregi jigerlene túsedi.

Lúdmıla da kópbalaly ana róline tez sińisip ketedi. 5 lırtli qazanǵa tamaq daıyndap, birneshe toqashtar ázirleýge eshqashan da sharshaǵan emes. Bala tárbıesine ózin tolyǵymen arnaı bildi. Anton jumysyna qaıtyp baryp, jeke kásippen aınalysyp júr. Tipti, kópbalaly ata-ana taǵy bala súıýdi qalaıtyn kórinedi.