Polshanyń Shesıne qalasynda úsh jasóspirim bala nemis zıratyndaǵy 130 jýyq qabirdi búldirgen dep habarlaıdy «Qamshy» aqparattyq agenttigi TVN24-ke silteme jasaı otyryp.
12 jasar qyz balamen 11 jasar eki ul bala eki aı boıy zıratty búldire bastaǵan. Quqyq qorǵaý organdary jergilikti turǵyndardyń kómegimen buzaqylardy anyqtaı aldy. Polsha polısıasynyń túsindirýi boıynsha balalar ózderiniń nege bulaı jasaǵandaryn túsindire almaǵan.
Eldegi zańǵa baılanysty 13 jasqa deıingi balalar quqyqtyq jaýapkershilikke tartylmaıdy. Degenmen olardyń ata-analary zıratqa keltirilgen shyǵyndardy tolyq óteýge mindetteldi. Shyǵyn quny naqty belgilenbegen. Polısıanyń naqtylanbaǵan esebi boıynsha shyǵyn kem degende bes myń dollardy quraıdy.
