Borneo ormanynda erekshe janýar paıda bolǵanda, adamdar ony sırek kezdesetin janýar túrine jatqyzyp, súısinip qaraǵan. Alaıda naǵyz shyndyqty bilgende turǵyndar eseńgirep qaldy. Bılik bul janýardyń malaı aıýy ekenin jáne onyń aýrýǵa shaldyqqanyn aıtty. Aýrýynyń saldarynan janýardyń júni túgeldeı derlik sypyrylyp túsken, sol sebepti túri erekshe kórinedi.

Naǵyz malaı aıýy mynadaı bolýy kerek edi.

Al aýrýǵa shaldyqqan aıýdyń sıqy tómendegideı.

Adamdar ony uzaq izdegen kórinedi, birneshe kúnnen keıin kórshi plantasıadan tabady. Jyrtqysh qatty qorqyp qalǵandyqtan ózin agressıvti túrde ustaǵan. Sonyń ózinde adamdar kómektesýge tyrysty.

Saravak ormandy korporasıasy ókilderiniń aıtýynsha, qutqarylǵan aıý óte jaıly mekenge ornalastryldy, ári adamdardyń qorǵaýynda. Degenmen áli de aýrý belgileri baıqalady. Sol sebepti jabaıy tabıǵat ortalyǵyna jóneltilgen.

Sıle Robertson esimdi veterınar janýardy muqıat tekserip, kerekti saraptamalardy jasap, terisine ınfeksıanyń túskenin, sondaı-aq qany azdyǵyn anyqtady.

Adamdardyń qamqorlyǵynyń arqasynda jaǵdaıy jaqsy jaqqa qaraı ózgerip keledi, emdeý prosesi óz nátıjesin berdi.. Aıý tolyq aıyqqan soń ony ormanǵa jiberip, óz tuqymdastarynyń qataryna qospaq.

Sholýshy: Sabına Ramazan