Tájikstanda sońǵy aıda saýda máselesine baılanysty túrli derekter tarala bastady. Anyǵyraq aıtsaq – jas qyzdardy shetelderge quldyqqa, seksýaldyq quldyqqa satý. Bul jóninde Sputnik Tájikstan habarlaıly.
18 mamyr kúni quqyq qorǵaý organdary qyzdardy quldyqqa satyp júrgen qylmyskerdi ustaǵan. Ol 27 jastaǵy qyzǵa Túrkıada tabysy mol jumys baryn aıtyp, aldap-sýlap Stambýldyń jezóksheler úıinen bir-aq shyǵarǵan.
6 maýsym kúni Dýshanbe turǵyny Nısso Mırzoevany «Quldyq eńbekke paıdalaný» QK 130 baby boıynsha 8 jylǵa bas bostandyǵynan aıyrǵan. Tergeý jumystary anyqtaǵandaı, Mırzoeva birneshe qyzdy aldyp, Dýbaı, Túrkıa syndy memleketterge attandyrǵan. Ol jerlerde álgi qyzdardyń tólqujattaryn tartyp alyp, túngi klýbtardaǵy dókeılerge qyzmet kórsetý úshin jumysqa salyp qoıǵan.
2013 jyly Tájikstan «quldyq saýda» zańnamasyn engizip, oǵan qatysy arlarǵa 5 jyldan 12 jylǵa deıin túrmege otyrǵyzý kózdelgen.
Solaı bola tura, 2015 jyly respýblıka tóńireginde iz-tússiz joǵalǵan qyzdarǵa baılanysty 14 qylmystyq is qozǵaldy.
Al Qyrǵyzstandaǵy jaǵdaı tipten máz emes. 2016 jyldyń ózinde Qyrǵyzstanda quldyq saýda úshin 175 adam shyǵarylǵan. Teń jartysy – jas qyzdar.
Kóbine qyzdar men áıelderdi saýdaǵa salatyn olardyń otandastary. Janashyry bolyp kóringen qylmyskerler olardyń tólqujattaryn tartyp alyp, qarsylasqan jaǵdaıda soqqynyń astyna alatynyn aıtyp, óz degenderine kóndiredi. Sóıtip qyzdar men áıelerdi túngi klsbtarǵa, al erkekterdi qurylys alańdaryna nemese fermerlik sharýashylyqqa jalǵa beredi.
Qurbandaryn aldaýdyń joly da ońaı: qyzǵa alǵashynda jumystyń eń ońaı ári tabysy mol túrleri usynylady. Máselen sulýlyq salony nemese aıyna 1000 dollar tabýǵa bolatyn Dýbaı meıramhanalary sekildi jumys túrlerin estigende qyz bala ertegi álemine enip ketkendeı sezinedi-aý ózderin.
Al erkekterge jatatyn orny, úsh mezgil tamaǵy tegin qurylys alańdaryn usynyp, álbette aılyǵynyń joǵarylyǵyn aıtyp aldap jatady.
Elge kele sala sengish qyzmetkerlerden qandaı da bir qujattardy rásimdeýdi syltaýratyp tólqujattaryn surap alyp, qaıtarmastaı bolady.
Al aıaq asty tekseris júrip qalǵan ýaqytta álgi qyzmetkrelerdi jaı ǵana elderine qaıtaryp jiberedi.
«Qurbandardyń basty qateligi – tanystaryna, tipti tanys emes adamdaryna qatty sengishtigi. Baratyn jeriniń qujattaryn aldyn-ala teksermeıdi, jumys isteıtin ortalyqtaryn anyqtamaıdy, aqparatsyz attana beredi», deıdi adam saýdasyna qarsy kúres jónindegi EQYU-nyń arnaıy ókili Alberto Andreanı.
Qazaqstandaǵy adam saýdasy da "taýsylmaıtyn áńgimege" aınaldy. Qanshama úrimdeı qyzdarymyz sheteldik azamattardyń qurbany boldy, bul jaıynda málimetti jýyq arada saıt betinen kóre alasyzdar.
Sholýshy: Gúlim Jaqan
