Áıel jalǵyz bolmaýy tıis. Biraq qoǵamda jalǵyzbasty ana da, oń jaqta otyrǵan qyz da kóp, - dep jazady Qamshy aqparattyq agenttigi Massaget.kz-ke silteme jasaı otyryp. Qandaı qyzdar ómirin jalǵyzdyqta ótkizedi?

1. Otbasy bar erkekpen aralasatyn áıel. Bireýdiń baqytsyzdyǵynan baqyt tabý múmkin emes. Bireýdi jylatyp qýanysh taba almaısyń. Sondyqtan kóbine bir otbasyn oırandaǵan áıelder sońynda balalaryn qushaqtap jalǵyz qalyp jatady. 

2. Jumysyna berilgen áıel. 25-50 jas aralyǵyndaǵy kez kelgen qyz-kelinshek ózinen 10 ese az tabatyn erkekke turmysqa shyqqysy kelmeıdi. Jumysynda belgili bir tabysqa jetken áıel kóldeneń kók attyny mensinbeı, ózine teń kórmeı, sońynda jalǵyz qalady. 

3. Bos ýaqyty joq áıelder. Ondaı áıelder óte kóp. Shyn máninde bos ýaqyty joq olardyń. Jumystan keledi, úıde eki balasy kútip otyrady, ózi ajyrasqan delik. Olar mahabbatyn jańadan izdeýge ýaqyt tappaıdy. Sóıtip júrip ýaqytyn ótkizip alady.

4. Ertegidegi hanshaıym. Keıbir qyz-kelinshekter ózderin tym joǵary baǵalaıdy. Bundaı qyzdardy ata-analary kóbine qoldaıdy, óıtkeni, kez kelgen ata-ana balasynyń jaqsy jerge barǵanyn qalaıdy. "Maǵan jetkiń kelse, aldymen kúres!" deıdi ondaı qyz aldyna kelgen jigitke. 

5. Ózimshil, egoıst áıel. Ondaı áıelder kóp. Ózimshil, qyzǵanshaq áıelder kúnderdiń-kúninde er adamyn ózinen bezdirip jiberedi. Óıtkeni ol qolyndaǵysyn eshkimmen bóliskisi kelmeıdi. Kóbine ózimshil áıelder jalǵyz qalǵanda baqyttyraq ómir súredi. 

6. Júreginde jarasy bar áıel. Bala kezinde erkek ataýlysynan kóńili qalǵan qyzdar bolady. Oǵan maskúnem, jaýapsyz áke kináli. Bundaı ákeni kórgen qyz óte tárbıeli bolyp boıjetkenimen, turmys qurýǵa asyqpaıdy. "Barlyq erkek birdeı" degen oımen ómir súretin qyzdar jigitke senbeıdi, ózine jaqyndatpaıdy. 

Eger siz joǵarydaǵy tizimnen ózińizdi kórip otyrsańyz, oılanyńyz! Áıel ózgerse, álem ózgeredi. Jalǵyzdyqtan qutylýdyń jalǵyz joly – ózgerý.

Sholýshy: Ásel Óteshova