Atalmysh qatelikti alǵashqy bolyp amerıkalyq Dailynews portaly jibergen.

Sheteldik BAQ-tardyń qatary Gollıvýd akteri Nıkolas Keıdjben sýretke túsken qazaqstandyq skrıpkashy Aıman Musaqojaevany Qazaqstannyń birinshi hanymy Sara Nazarbaevamen shatastyryp alǵan, dep habarlaıdy Qamshy.kz aqparat agenttigi.

Birinshi bolyp qatelesken amerkalyq Dailynews saıty boldy, keıinnen ózge aqparattyq agenttikter saıttan dál sondaı qatelikpen kóshirip alǵan.

Sheteldik BAQ «Sokrovıshe nasıı» fılminiń juldyzy qazaqtyń ulttyq kıimimen Astanada ótken «Eýrazıa» kınofestıvalinde Qazaqstannyń birinshi hanymy Sara Nazarbaevamen sýretke tústi» dep jazǵan.

Aıta keteıik, 23 shilde kúni Gollıvýd akteri, ári rejıser Nıkolas Keıdj Qazaq ulttyq óner ýnıversıtetinde boldy. Ýnıversıtet rektory Aıman Musaqojaeva kádege saı sheteldik qonaqqa qazaqtyń ulttyq shapanyn japty, keıin birge sýretke de tústi.

Nıkolas Keıdj Astanaǵa «Eýrazıa» XIII halyqaralyq kınofestıvaline qatysý úshin kelgen. Akter «Bes kontınent» atalatyn balalarǵa arnalǵan kınonyń ashylýyna qatysyp, artynsha múmkindigi shekteýli balalarmen kezdesti.