Taldyqorǵan oblysy Aqsý aýdany Jansúgirov kenitiniń turǵyny Baqytbek Qınaıatuly qurylysshy bolǵan. Bireýlerge úı salyp, endi biriniń úılerin árlep júrgen ýaqytta densaýlyǵy syr bere bastaǵan. 52 jasqa taıaǵan shaǵynda asqazanynda jara bar ekenin bilgen er adam búginde tósekke tańylǵan.

Ár bala úshin áke – asqar taý, berik tirek. Bir otbasynyń 4 birdeı qarakózdi arýlary asqar taýymyz shaǵyla ma degen úreımen túnde uıqylarynan, kúndiz kúlkilerinen aıyrylǵan. Arna, Dıdar, Ulbolsyn, Gaýhar esimdi qyzdardyń anasy Qojaqymet Bulǵyn asyl jarymen uzaq ta baqytty ǵumyr keshýdi jatpaı-turmaı Qudaıdan tilep keledi. Qyzdardyń taýy shaǵylmaı, ana júreginiń tynyshtalýyna elimizdiń qaltaly azamattary bir septigin tıgizer, qol ushyn sozar degen nıetpen Qamshy.kz aqparat agenttiginiń tilshisi otbasy múshelerimen tildesip, jaǵdaıdyń mán-jaıyn oqyrman nazaryna usynady.

"Ákem men úshin – bar álemmen teń"

 52 jastaǵy Baqytbek Qınaıatuly ǵasyrdyń orta beline kelgende taǵdyrdyń aýyr talqysymen kúresýge májbúr. Asqazan aýrýyna shaldyqqan 4 qyzdyń ákesi nemere-shóbereleriniń qyzyǵyn áli talaı kórýdi armandaıdy. Alaıda alańsyz kúnderdiń birinde otbasynda daýyl turyp, áli de tyıylmaı jatqan kórinedi. Otbasynyń úlken qyzy Arnagúl Baqytbekqyzy ákesiniń emdelip, aıaǵynan tik turyp ketýi úshin halyqtan kómek suraıdy.

Baqytbek Qınaıatulynyń asqazan jarasy asqynyp, uıqy bezine deıin ótken. Taldyqorǵandaǵy onkologıa bóliminde operasıa jasatqan, alaıda dárigerler jarany ala almaǵan. Asqazandy pyshaq tesse, ómirine úlken qaýip tónerin bilgen olar óńeshti qıyp alyp, qaıtadan jamap qoıǵan. Jaǵdaıy túzelmegen soń hımıalyq jolmen 4 márte emdeýge kirisedi. Aýrýy asqynǵan ákeniń tek 3 emge ǵana shamasy jetken. 4-shisin kótere almaıtyndyqtan dárigerler ruqsat etpegen. Al er adamnyń jaǵdaıy sol kúıi ózgerissiz qaldy. Otbasyn asyrap otyrǵan adamnyń búginde háli nasharlap, tym qatty azyp ketken, qur silderi qalǵan. Alaıda qyzdary úmitterin úzbek emes, jazylyp ketetinine, dál burynǵy qalpyna qaıta kelip, nemereleriniń arasynda áli talaı qyzyqqa batatynyna olar senimdi.

Baqytbekqyzy Arnagúl:

«Ákem – men úshin ómirde qaıtalanbaıtyn tulǵa. Ákemnen artyq eshkimim joq. Ol men úshin – bar álem. Jazylyp, aıaǵynan tik turyp ketse eken...».

Arnagúlden ózge, Dıdar men Ulbolsyn da ákeleri úshin kún-tún demeı tilek tileýmen kún keship keledi. Úsh qyzy da turmys qurǵan, bala-shaǵasy bar. Alaıda óz otbasyn 10 kúnge tastap, ákelerin qaraýǵa, janynda bolýǵa kezektesip kelip turady eken. Ata-ananyń ónegeli tárbıesin kórip ósken qyzdar ákelerin bir kúnge jalǵyz qaldyrmaǵan, sebebi ár adam úshin jaqynynan artyq qoldaý men demeýdiń joq ekenin olar jaqsy biledi.

Perishte-tilek

Al eń kishi qyzy Gaýhar 9 jasta, mektep oqýshysy. Sabaǵyn 5-ke oqıdy. Mektepti úzdik bitirip, bilikti maman ataný, ákesi men anasynyń úmitin aqtaý – kishkentaı ǵana búldirshinniń basty armany. Búldirshin shaǵynda ómirdiń aýyr synaǵymen betpe-bet kelgen Gaýhar ákesiniń áli aıyǵyp ketetinine nyq senimdi.

«Men ákemdi jaqsy kóremin. Onyń tósek tartyp jatqanyn kórgende qatty qınalamyn. Menimen oınap, burynǵydaı qydyrǵanyn qalaımyn. Tek kúlip júrse eken. Maǵan odan artyq eshteńe kerek joq».

Analary Bulǵyn mektepte eden jýady. Onyń tapqany ákesiniń dárilerinen artylmaıdy.

Úmit áli de bar...

Almatylyq dárigerdiń aıtýynsha, Baqytbek Qınaıatulynyń emin Qytaıdan tabýǵa bolady. Aıýdyń maıynan, ótinen jasalǵan dáriden ákeleri aıyǵýy múmkin. Alaıda otbasynda bir ǵana adam jumys istegendikten, jaǵdaıdyń kelmeıtinine qyzdary men anasynyń qabyrǵalary qaıysyp otyr. Sebebi álgi dárilerdiń baǵasy tym qymbat kórinedi. Onyń ústine Qytaıǵa baryp emdelse, aýrýynan tolyq aıyǵar edi deıdi. Tek qarajattyń jetispeýshiligi men qol ushyn sozatyn meıirimdi jannyń joqtyǵy múmkindiktiń iske asýyna jol bermeı otyr. Al jergilikti aýrýhanalar dári-dármek jazyp berýden ózgesine jaramaı otyr.

Qazaq halqy baýyryn jalǵyzsyratpaǵan, qashan da qol ushyn sozyp, qınalǵan aǵaıynnyń úmit otyn qaıta jaqqan. Osy joly da únsiz qalmas degen nıetimiz bar, sebebi ár qazaq bir-birine baýyr. 4 birdeı arýdyń taýy shaǵylmasyn deseńiz tómendegi telefon nómirlerine habarlasyp, kómek berýge asyǵyńyz!

Kaspi bank: 5169490261515802, ıın:900308404170

Halyk bank: 5354510076538619, ıın:900308404170

Baılanys nómirleri: Baqytbekqyzy Arnagúl 87773859084

                                                                            87057276942  

 Qamshyger: Gúlim JAQAN