Jalańash qolymen qasqyr soqqan qazaqtyń batyr qyzy ómirden ozdy. 1976 jyly dúnıege kelgen batyl boıjetken 1999 jyly 27 qarasha kúni Kúnes aýdany Shaqpy aýylynda mal shetinde júrgende kenetten qoıǵa qasqyr shabady. «Ma ashýy – jan ashýy» degen qazaq. Áýdem ýaqyttan soń ash bóri tamaqtap jatqan qoıdy tastaı salyp, adamǵa shabady. Qolynda synyq súıem temiri joq qyz ash qasqyrdy qos qulaqtan basyp, azýly tisin denesine darytpaı, tumsyǵyn jerge tuqyrtyp, alqymynan qysyp, qulaq shekeden judyryqpen uryp ulymany jer qaptyrady.

Er jigitke bergisiz erlik jasaǵan qyzdyń esimi Dilbár Asylbekqyzy. Kúnes aýdany Narat-Taıasý aýylynyń týmasy. Erlik isi el ishine ańyz bolyp taraǵan qyz 27 jeltoqsan kúni ómirden ozdy. Marqumnyń topyraǵy torqa bolsyn!