QR Premer-Mınıstri Baqytjan Saǵyntaevtyń tóraǵalyǵymen ótken Úkimet otyrysynda ulttyq ekonomıka mınıstri Tımýr Súleımenov Agroónerkásiptik keshendi damytýdyń memlekettik baǵdarlamasynyń 2017 jyly oryndalýyna júrgizilgen monıtorıń qorytyndysy týraly baıandady, dep habarlaıdy Qamshy.kz aqparat agenttigi. 

QR Ulttyq ekonomıka mınıstrligi bıyl Memlekettik josparlaý júıesine sáıkes QR Agroónerkásiptik keshenin damytýdyń 2017–2021 jyldarǵa arnalǵan memlekettik baǵdarlamasynyń oryndalý barysyna monıtorıń júrgizdi. Jalpy alǵanda, 7 maqsatty ındıkatorǵa, 64 nátıjeler kórsetkishine qol jetkizý, 95 is-sharany júzege asyrý josparlanǵan. 2017 jyldyń qorytyndysy boıynsha 7 maqsatty ındıkatordyń 6-na qol jetkizildi.

Máselen, mańyzdy ındıkatorlardyń biri — azyq-túlik eksportynyń kólemin ulǵaıtýdy qamtamasyz etý. T. Súleımenov atap ótkendeı, azyq-túlik taýarlaryn eksporttaý jospary — $920 mln bolsa, naqty oryndalý kólemi $1 mlrd asty.

Josparlanǵan nátıjelerdiń 64 kórsetkishinen 47 kórsetkish nemese 73,4% oryndaldy. 95 josparlanǵan is-sharanyń 65-i (68%) iske asyryldy. Qalǵandary iske asyrylý satysynda.

«Jalpy, memlekettik baǵdarlamany iske asyrýdyń birinshi jylynyń qorytyndysy boıynsha negizgi makrokórsetkishterge qol jetkizilýine baılanysty oń nátıje kórsetildi», — dedi T. Súleımenov.

Máseleni talqylaý barysynda Jambyl oblysynyń ákimi A. Myrzahmetov, Qyzylorda oblysynyń ákimi Q. Kósherbaev, «QazAgro» UBH» AQ basqarma tóraǵasy N. Málelov sóz sóıledi.