Sý men káriz júıesine tarıf ósip keledi, dep habarlaıdy Qamshy.kz aqparat agenttigi ranking.kz-ke silteme jasap. Ystyq sý birden aıyna 1,6% jáne jylyna 9,3% qymbattady. 

Sýyq sý aıyna 1,3% ósti jáne jylyna 3,3% qymbattady.

Káriz júıesine tarıf aıyna 1,4%, jylyna 2,5% qymbattady.  

Bolashaqta baǵa ósýi múmkin. Qostanaıda 1 sáýirden bastap jańa tarıf júredi. Turǵyndarǵa tólem 11%, al zańdy tulǵalarǵa 26% kóteriledi. «Qostanaı Sý» kompanıasy sýdyń qymbattaýyn elektr toǵynyń qymbattaýymen baılanystyryp otyr.

2018 jyldyń naýryz aıynan bastap jeke esep quraly joq Astana turǵyndary úshin sý baǵasy eki ese qymbattaıdy.

Buǵan deıin tabıǵı monopolıalardy retteý komıteti men Qazaqstan Respýblıkasy Ulttyq ekonomıka mınıstrliginiń Tutynýshylardyń quqyqtaryn qorǵaý komıteti 2018 jyly 5 jylǵa arnalǵan shekti tarıfterdi belgileý boıynsha Qazaqstannyń 12 aýmaǵynda baǵa ózgeretinin habarlaǵan. Olar: Astana, Almaty, Aqmola, Aqtóbe, Qostanaı, Shyǵys Qazaqstan, Batys Qazaqstan, Jambyl, Qaraǵandy, Pavlodar, Soltústik Qazaqstan jáne Ońtústik Qazaqstan oblystary.