«Halyqtyń ómir súrý uzaqtyǵynyń ósýine jáne medısınalyq tehnologıalardyń damýyna baılanysty medısınalyq qyzmet kórsetýge degen suranys kólemi arta túsetin bolady. Qazirgi densaýlyq saqtaý isi qymbatqa túsetin stasıonarlyq emge emes, negizinen aýrýdyń aldyn alýǵa baǵyttalýǵa tıis»
QR Prezıdenti N.Nazarbaevtyń «Tórtinshi ónerkásiptik revolúsıa jaǵdaıyndaǵy damýdyń jańa múmkindikteri» Joldaýynan
Bıyldan bastap qaǵazsyz densaýlyq júıesi elimiz boıynsha tórt óńirde, ıaǵnı Qaraǵandy, Qostanaı, Aqmola jáne Batys Qazaqstan oblystarynda pılottyq rejımde iske qosylǵany málim. Batys Qazaqstan oblysynda trıaj júıesimen, qaǵazsyz qujat aınalymy, kezeksiz emhana, naýqastyń elektrondy tólqujaty, «K-vrach.k» mobıldi qosymshalary júıeli jumys jasap keledi.
Batys Qazaqstan oblystyq densaýlyq saqtaý basqarmasynyń basshysy Qanat Tósekbaevtyń málimdeýinshe, ótken jyly oblysta jalpy ólim kórsetkishi 5,1 paıyzǵa, bala ólimi 14,1 paıyzǵa, týberkýlez aýrýynan ólim 3,7 paıyzǵa, qaterli ret saldarynan bolatyn ólim kórsetkishi 4,7 paıyzǵa kemigen. Qan aınalym júıesi aýrýlarynan bolatyn ólim 2,1 artqan, bir ana ólimi tirkelgen. Aldyn alý jáne skrınıgtik sharalar barysynda 128 802 adam tekserýden ótken. Jedel járdem qyzmeti jańartylyp, rebrendıng jasalǵan. Shaqyrýlardy óńdeý ýaqyty azaıyp, jedel qyzmet kórsetý sapasy artqan. Oblystaǵy 40 medısınalyq uıymnyń 19-y tolyqtaı qaǵazsyz qujat aınalym júıesine kóshken. Jyl sońyna deıin qalǵan 21 uıym da qosylmaq.
Alaıda óńirde maman tapshylyǵy áli kúnge kún tártibinen túspeı keledi. Qanat Dúısenbaıulynyń aıtýynsha, byltyr oblysqa 86 dáriger kelgen, olardyń 42-si aýdan-aýyldarǵa joldanǵan. Deıturǵanmen, áli 207 dárigerge suranys bar. Sonyń ishinde 51 jalpy tájirıbedegi dáriger, 25 akýsher-gınekolog, anestezıologıa jáne reanımatologıa salasynda 19, karıologıada 10 dáriger qajet.
Byltyr oblystyń 160 mektep túlegine jergilikti búdjet qarjysynan joǵarǵy oqý oryndarynda tegin bilim alýǵa múmkindik berilgen edi.Memlekettik grantqa ıe bolǵandardyń 24-i dáriger mamandyǵyn tańdaǵan. Basty talap – oqýlaryn aıaqtaǵan soń Batys Qazaqstan oblysyna kelip, kemi bes jyl kelisimshart boıynsha eńbek etýge mindetti.
Sıfrlandyrýdyń tıimdiligin dárigerlermen qatar emdelýshiler de sezinip otyr.
