Elbasy Nursultan Ábishuly Nazarbaevtyń parlament palatalarynyń birlesken otyrysynda Qazaqstan halqyna arnalǵan "Prezıdenttiń bes áleýmettik bastamasy" atty úndeýin tikeleı efırden tyńdadym. Ózim ustaz bolǵandyqtan oıyma birden kelgeni – dáris berip júrgen alys jáne taıaý shetelden kelgen qazaq jastarynyń oqýǵa túsýine múmkindik jasaý. Kelesi kúni Ál-farabı atyndaǵy Qazaq ulttyq ýnıversıteti JOO-ǵa deıingi bilim berý fakúltetinde oqıtyn tyńdaýshylaryma Elbasymyzdyń úndeýindegi úshinshi bastamasy: "Joǵarǵy bilim alýdyń qol jetimdiligi men sapasyn arttyryp, stýdent jastardyń jataqhanadaǵy jaǵdaıyn jaqsartý" dep atap kórsetkenin aıtyp túsindire otyryp, jyl saıyn bólinetin 54 myń grantqa qosymsha 2018-2019 oqý jylyna taǵy 20 myń grant bólinetinin úndeýdi tanystyrý barysynda jetkizdim. Onyń 11 myńy tehnıkalyq mamandyqtar boıynsha bakalavrlyq bilim berýge tıesili ekendigine tyńdaýshylarym qýandy. Óıtkeni olar jaratylys pánimen daıyndalyp jatyr. Elbasymyzdyń jastarǵa senetinin jáne joǵary bilim alý jahandyq úrdis, joǵarǵy bilikti mamandarsyz elimizdiń ozyq 30 el qataryna qosylý múmkin emestigin tyńdaýshylar túsinip,tańdaǵan joǵarǵy oqý ornyna túsip, jaqsy maman ıesi bolyp, Qazaqstannyń bir kirpishin qalaıtyndaryn qýanyshpen jetkizdi.
Joǵary oqý ornyna túsken stýdentterdiń joǵary bilim alýynyń sapasyn arttyrýdyń taǵy bir joly – shalǵaıdan kelgenderdi jataqhanamen qamtamasyz etý kerek. Jas kezinen páter jaldap, bireýdiń bosaǵasyn jaǵalamaı, zamanaýı salynǵan jataqhanada eshbir alańsyz bilim alyp, alǵan bilimin ǵylymmen ushtastyryp, sonymen qatar jan-jaqty maman bolýyna jol ashylady.
Bul bastama – tórtinshi ónerkásiptik revolúsıa jaǵdaıynda qajet bolatyn myńdaǵan jańa mamandardy ázirlep shyǵýǵa úlken múmkindik beredi.
A.K.Begalıeva,
Ál-Farabı atyndaǵy Qazaq ulttyq ýnıversıteti
JOO-ǵa deıingi bilim berý fakúlteti,
JOO-ǵa deıingi daıyndyq kafedrasynyń
Aǵa oqytýshysy
