Qazirgi bank sektoryndaǵy jaǵdaıǵa baılanysty bank klıentteri zardap shegip jatyr. Qarjy qaıtarylmaı nemese jartylaı ǵana qaıtarylǵan jaǵdaıdy boldyrmaý úshin eń aldymen bankterdiń aktıvteri men qaryz portfeline mán berý kerek, dep jazady Qamshy.kz aqparat agenttigi.
2018 jyldyń naýryz aıynyń sońyna qaraı ekinshi deńgeıli bankterdiń aktıvteri 23,8 trln tg (byltyr - 25 trln tg bolǵan). Onyń qaryz portfeline 56% nemese 13,3 trln teńgeden keledi (byltyr - 15,2 trln tg boldy).
Ekinshi mindetter men salymdarǵa jiti nazar aýdarý kerek. Salymdaǵy ózgerister men ekinshi deńgeıli bankterdiń mindetterin baqylaý qajet. Salymdar birden tómendese bankte qarjylyq qıyndyqtar bolady. Ekinshi deńgeıli bankterdiń jalpy sommasy - 20,7 trln tg (byltyr - 22,1 trln tg bolatyn). Onyń 16,4 trln tg – depozıt (byltyr - 16,6 trln tg boldy).
Aktıv kórsetkishi boıynsha kóshbasshy ondyqtaǵy bankter: Halyq banki - 4,7 trln tg, Sesnabank - 2 trln tg, Sberbank - 1,7 trln tg, ForteBank - 1,5 trln tg, BSK - 1,4 trln tg, ATFBank - 1,3 trln tg, Eýrazıa - 958,6 mlrd tg, Turǵyn úı qurylys jınaq banki - 824,5 mlrd tg jáne Sıtıbank - 620,9 mlrd tg.
Úshinshi kórsetkish – tólený qajet merziminen 90 kún (NPL+90) ótip ketken kredıtter. NPL+90 tómen bolǵan saıyn banktiń qarjylyq jaǵdaıy jaqsy ekenin bildiredi.
Qazir barlyq bank sektorynyń NPL+90 - 10,01%. Sıtıbankte kredıt boıynsha atalmysh olqylyqtar joq. Sebebi qaryz portfeliniń sommasy - 89,7 mlrd tg. Turǵyn úı qurylys jınaq banki - 0,26% (byltyr - 0,43% bolǵan).
İri bankterdiń arasynda NPL+90 boıynsha kórsetkishi tómen «klasıkalyq» bıznes-modeliniń ókilderiniń arasynda Sesna bankti ataýǵa bolady. Odan keıin Sberbank. Kóshbasshy úshtikti BSK támamdaıdy.
Banktiń qarjylyq deńgeıinen habar beretin kórsetkishterdiń biri – halyqaralyq táýelsiz agenttikterdiń kredıttik reıtıńi. Máselen Moody's, Standard and Poor's jáne Fitch Ratings. Atalmysh agenttikterdiń uzaq jáne qysqa merzimdi reıtıńi joǵary bolǵan saıyn banktiń jumysy jaqsara túsedi. Sáıkesinshe qarjyny joǵaltý qateri tómendeıdi.
Bank tańdaýda eń sońǵy mán beretin másele – QR Ulttyq banktiń prýdensıalyq normatıvteri men ekinshi deńgeıli bankterde oryndalýy.
