QR Energetıka mınıstri Qanat Bozymbaev elge ákelinetin reseılik janarmaıdy temir jolmen tasymaldaýǵa tyıym salý týraly buıryqqa qol qoıdy, dep habarlaıdy Qamshy.kz aqparat agenttigi.
Buıryq elektrondy úkimet portalynda jarıalandy.
«Qazaqstan Respýblıkasyna Reseı Federasıasynan ákelinetin janarmaıdy temir jol arqyly tasymaldaýǵa 3 aıǵa tyıym salynsyn» delingen qujatta.
QR Energetıka mınıstrligi munaı salasyn damytý departamentine, QR UQK Shekara qyzmetine, «Qazaqstan temir joly» Ulttyq kompanıasyna, QR Ulttyq ekonomıka mınıstrligine belgilengen tártip boıynsha Eýrazıa ekonomıkalyq komısıany atalǵan tyıym týraly eskertý tapsyryldy.
Buıryq resmı jarıalanǵan kúnnen 10 kún ótkennen keıin óz kúshine enedi.
