Atyraý qalasynyń turǵyndary menıngıttiń aldyn alý suraqtary boıynsha keńesti táýlik boıy ala alady, dep habarlaıdy Qamshy.kz aqparat agenttigi Atyraý oblystyq Óńirlik komýnıkasıalar qyzmetine silteme jasap.
Almaty oblysynda menıngıt paıda bolǵanyna baılanysty Atyraý oblystyq densaýlyq saqtaý basqarmasy jergilikti turǵyndardyń qońyraýlaryna jaýap berý úshin 24 saǵattyq jedel jeli ashýǵa sheshim qabyldady. 98-02-92 nómiri boıynsha azamattar ınfeksıalyq aýrýlardan jáne epıdemıologtardan keńes ala alady. Jelide táýlik boıy 3 operator qyzmet etedi.
- Almaty oblysyndaǵy menıngıt ınfeksıasynyń taralýyna baılanysty Atyraý turǵyndaryn kóptegen suraqtar mazalaıdy. Qazir menıngıtten qalaı qorǵanýǵa bolatyndyǵyn, aýrýdyń aldyn alý úshin qandaı sharalar qoldaný kerektigi mazalaıdy. Sondyqtan turǵyndarǵa 24 saǵat boıy qyzmet etetin Call-ortalyqty ashtyq. Halyq kókeıindegi saýalyna jaýap alý úshin ortalyqqa kez kelgen ýaqytta qońyraý shala alady, - deıdi Atyraý oblystyq densaýlyq saqtaý basqarmasynyń basshysy Mánshúk Aımýrzıeva.
