QR Densaýlyq saqtaý mınıstri Eljan Birtanov  besinen altysyna qaraǵan túni eshkimge eskertpeı Almatydaǵy №12 emhanaǵa bardy, dep habarlaıdy Qamshy.kz aqparat agenttigi. Emhanaǵa kelgende bir top adam bas dárigerdiń qabyldaýyna kire almaı turǵan. Mınıstr medısınalyq kómekke zárý adamdardan keshirim surap, emhana qyzmetkerlerin sókti. Mınıstr emhanada tek 3 dáriger jumys istep jatqanyn aıtyp,  emhana qyzmetkerine barlyq dárigerdi shaqyrýyn talap etti, kómekke muqtaj naýqastarǵa kómektesýin surady. 

Mınıstr birneshe kún buryn  naýqastardy qabyldaıtyn qosymsha pýnkterdi ashýdy tapsyrǵanyn aıtady, alaıda tapsyrma áli kúnge deıin oryndalmaǵan. Eljan Birtanov kún sanap dárigerge qaralǵysy keletinderdiń sany artatynyn aıtyp, aldyn ala sharalardy qoldanýdy tapsyrdy. 

Esterińizge sala keteıik, Almatyda menıngıkokk ınfeksıasy órship, QR Densaýlyq saqtaý mınıstri Erjan Birtanov Almatyǵa kelgen bolatyn.