QR Úkimetiniń Qaýlysymen joǵary oqý ornynan keıin magıstratýra men doktorantýraǵa, sondaı-aq JOO-lar men ǵylymı uıymdardyń rezıdentýrasyna túsý qaǵıdalaryna ózgerister engizildi, dep habarlaıdy QazAqparat.

Qaýly mátini búgin baspasózde jarıalandy. Oǵan sáıkes, JOO magıstratýrasyna, doktorantýrasyna, JOO-lar men ǵylymı uıymdardyń rezıdentýrasyna túsýshilerdiń ótinishterin qabyldaý 3 - 31 shilde aralyǵynda júrgiziledi.

Magıstratýraǵa, rezıdentýraǵa, doktorantýraǵa shet tili boıynsha túsý emtıhandary — 10 - 15 tamyz aralyǵynda, mamandyq boıynsha — 16 - 20 tamyz aralyǵynda, qabyldaý 25 tamyzǵa deıin júrgiziledi.

Oqytý aǵylshyn tilinde júrgiziletin beıindi magıstratýrada bilim alý úshin keshendi testileý 10 - 15 tamyz aralyǵynda júrgiziledi.

Doktorantýraǵa keminde 1 jyl eńbek ótili jáne «magıstr» dárejesi bar nemese medısına mamandyqtary boıynsha rezıdentýrada oqýyn bitirgen jáne keminde 3 jyl eńbek ótili bar adamdar qabyldanady.

Ǵylymı-pedagogıkalyq magıstratýraǵa, onyń ishinde oqytý aǵylshyn tilinde júrgiziletin magıstratýraǵa túsýshi adamdar, sondaı-aq oqýǵa daıyndyǵyn anyqtaýǵa arnalǵan qazaq nemese orys tilindegi (tańdaý boıynsha) test pen mamandyq boıynsha aǵylshyn tilindegi testiden turatyn keshendi testileý tapsyra alady.

Oqytý aǵylshyn tilinde júrgiziletin beıindi magıstratýraǵa túsýshi adamdar oqýǵa daıyndyǵyn anyqtaýǵa arnalǵan qazaq nemese orys tilindegi (tańdaý boı- ynsha) test pen mamandyq boıynsha aǵylshyn tilindegi testiden turatyn keshendi testileý tapsyrady.

Magıstratýraǵa, rezıdentýraǵa, doktorantýraǵa shet tili boıynsha túsý emtıhanyn ǵylymı-pedagogıkalyq magıstratýrada oqý úshin, onyń ishinde oqytý aǵylshyn tilinde júrgiziletin magıstratýrada jáne beıindi magıstratýrada oqý úshin keshendi testileýdi Qazaqstan Respýblıkasy Bilim jáne ǵylym mınıstrliginiń Ulttyq testileý ortalyǵy (budan ári - UTO) júrgizedi.

Shet tili boıynsha túsý emtıhanynyń, ǵylymı-pedagogıkalyq magıstratýrada oqý úshin, onyń ishinde oqytý aǵylshyn tilinde júrgiziletin magıstratýrada, jáne oqytý aǵylshyn tilinde júrgiziletin beıindi magıstratýrada oqý úshin keshendi testileýdiń nátıjesi boıynsha sertıfıkat beriledi. Bul rette JOO-nyń qabyldaý komısıasy usynylatyn sertıfıkattardyń túpnusqalyǵyn tekseredi. Shet tili boıynsha túsý emtıhandary jáne ǵylymı-pedagogıkalyq magıstratýrada oqý úshin, onyń ishinde oqytý aǵylshyn tilinde júrgiziletin magıstratýrada jáne oqytý aǵylshyn tilinde júrgiziletin beıindi magıstratýrada oqý úshin keshendi testileý UTO ázirlegen tehnologıa boıynsha ótkiziledi.

Shet tili boıynsha túsý emtıhandary jáne ǵylymı-pedagogıkalyq magıstratýrada oqý úshin, onyń ishinde oqytý aǵylshyn tilinde júrgiziletin magıstratýrada jáne oqytý aǵylshyn tilinde júrgiziletin beıindi magıstratýrada oqý úshin keshendi testileý bilim berý salasyndaǵy ýákiletti organ belgileıtin túsý emtıhandaryn qabyldaý pýnktterinde ótkiziledi. Apelásıalyq komısıa shet tili boıynsha túsý emtıhandary jáne ǵylymı-pedagogıkalyq magıstratýrada bilim alý úshin, onyń ishinde oqytý aǵylshyn tilinde júrgiziletin magıstratýrada jáne oqytý aǵylshyn tilinde júrgiziletin beıindi magı- stratýrada oqý úshin keshendi testileý boıynsha apelásıany qaraý nátıjelerin respýblıkalyq apelásıalyq komısıaǵa jiberedi.

Respýblıkalyq apelásıalyq komısıa apelásıalyq komısıa usynysynyń negizdiligin qaraıdy jáne apelásıalyq komısıanyń usynysy kelip túskennen keıin bir kún ishinde shet tili boıynsha túsý emtıhandarynyń nemese ǵylymı-pedagogıkalyq magıstratýrada oqý úshin, onyń ishinde oqytý aǵylshyn tilinde júrgiziletin magıstratýrada jáne oqytý aǵylshyn tilinde júrgiziletin beıindi ma- gıstratýrada oqý úshin keshendi testileý nátıjelerin apelásıaǵa bergen adamǵa baldar qosý týraly sheshim qabyldaıdy.

Magıstratýra, rezıdentýra jáne doktorantýraǵa adamdardy qabyldaý keshendi testileý qorytyndylary boıynsha mynadaı bal jınaǵan jaǵdaıda júzege asyrylady: ǵylymı-pedagogıkalyq magıstratýraǵa jáne doktorantýraǵa shet tili boıynsha - keminde 50 bal jáne mamandyǵy boıynsha - keminde 50 bal, al beıindi magıstratýraǵa, rezıdentýraǵa shet tili boıynsha - keminde 30 bal jáne mamandyǵy boıynsha - keminde 50 bal; ǵylymı-pedagogıkalyq magıstratýrada, onyń ishinde oqytý aǵylshyn tilinde júrgiziletin magıstratýrada jáne aǵylshyn tilinde beıindi magıstratýrada oqý úshin - keminde 19 bal, onyń ishinde oqýǵa daıyndyǵyn anyqtaýǵa arnalǵan test boıynsha - keminde 5 bal, mamandyq boıynsha: bir durys jaýap tańdaý boıynsha - keminde 6 bal, bir nemese birneshe durys jaýap tańdaý boıynsha - keminde 8 bal.