Ulttyq Bank halyqty ósim alýdan naqty qorǵaýdy qamtamasyz etý qajet dep sanaıdy. Bul týraly búgin Qazaqstan Ulttyq Bankiniń Tóraǵasy Danıar Aqyshev QR Parlamenti Senatynyń plenarlyq otyrysynda baıandama jasaǵan kezde aıtyp berdi, dep habarlaıdy Qamshy.kz aqparat agenttigi QR Ulttyq bank baspasóz qyzmetine silteme jasap.

Ol eger banktik kredıtter boıynsha syıaqy mólsherlemesi jyldyq 56%-dan aspasa, onlaın-kredıtter boıynsha stavkalar jyldyq 700%-ǵa deıin jáne odan joǵary bolatynyn atap ótti.

«Qaryz sharttarynda syıaqynyń tıimdi stavkasyn onyń mólsherin jyldyq 100% deńgeıinde shekteı otyryp, mindetti kórsetý qorǵaýdyń naqty shamasy bolyp tabylady. Osy normany daıyndaý kezinde halyqaralyq tájirıbe paıdalanyldy», - dedi D. Aqyshev.

Ol árbir azamat onlaın rejımde kredıttik kálkýlátor arqyly kredıti boıynsha naqty stavkanyń mánin op-ońaı teksere alatynyn atap ótti. «Osyndaı kálkýlátordyń ádistemesin Ulttyq Bank bekitedi jáne ol saıtta ornalastyrylady. Kálkýlátordyń esebi sotta daýdy sheshýde paıdalaný úshin zańdy negiz bolyp tabylady. JTSM 100%-dan asatyn qaryzdardyń shartyn sot jasalmady dep tanıdy», - dep túsinikteme berdi Qazaqstan Ulttyq Bankiniń basshysy.

D. Aqyshev sondaı-aq jınaq salymdaryn engizý týraly aıtyp berdi. Ol depozıttiń qosymsha túri bolatynyn atap ótti. «Jınaq salymdary salymshylarǵa 15 mln teńge mólsherindegi kepil berýdiń kóp somasy kezinde barynsha joǵary kiristilik beredi. Jaı teńgelik salymdar úshin ol 10 mln teńge bolady. Salymshy salymdy alý jóninde bankke 30 kúnde habarlaý talabymen ony merziminen buryn alý quqyǵyn ıelenedi», - dep túsindirdi D. Aqyshev.