Maýsym aıynda 8,7 mlrd teńgeden astam saqtandyrý jarnasy aýdaryldy, dep habarlaıdy Qamshy.kz aqparat agenttigi MSQ baspasóz qyzmetine silteme jasap.

Júıe iske qosylǵaly bir jyl ishinde jeke kásipkerler men jumys berýshiler tólegen aýdarym somasy 80,6 mlrd teńgeden asyp jyǵylǵan.

Onyń 72,1 mlrd teńgesi (89,5% jýyǵy) jumys berýshilerdiń qaramaǵyndaǵy jumyskerleri úshin jasaǵan aýdarymdary bolsa, qalǵan 8,5 mlrd teńge  (10,5% jýyǵy) – jeke kásipkerler men azamattyq-quqyqtyq kelisimshart negizinde eńbek etetin tulǵalarǵa tıesili.

Aımaqtyq turǵydan alǵanda, jarna tóleý jaǵynan Almaty jáne Astana qalalary men Qaraǵandy oblysy kósh bastap tur.

Esterińizge sala ketsek, jınaqtalǵan qarjy Ulttyq bankte saqtalady. Elimizdiń bas bankimen qarjyny senimgerlik basqarý týraly kelisim bekitilgen. Túsken qarajat MÁMS paketi sheńberindegi qyzmetter aqysyn tóleýge jumsalady. Qoldanystaǵy zań boıynsha, áleýmettik medısınalyq saqtandyrý sheńberinde qyzmet kórsetý 2020 jyldan bastalýy tıis.