Búgin «Azamattarǵa arnalǵan úkimet» memlekettik korporasıasy Almaty qalasy Mamandandyrylǵan HQO bóliminde avtokólik ıelerine arnalǵan aksıa ótti dep habarlaıdy Qamshy.kz aqparat agenttigi «Azamattarǵa arnalǵan úkimet» memlekettik korporasıasynyń Almaty qalasy boıynsha fılıalyna silteme jasaı otyryp.
Aksıaǵa kompozıtor ári ánshi-pedagog Altynbek Qorazbaev, ánshi, aktrısa Aıjan Nurmaǵambetova jáne t.b. óner maıtalmandary qatysty. Otandyq shoý-bıznes ókilderi kúni boıy elektrondyq úkimet portaly arqyly ótinish berip, azamattarǵa júrgizýshi kýáligin tez ári ońaı alý joldaryn kórsetti.
«Árbir adam qujattaryn aýystyrý úshin kún tártibin buzbaı, óz ýaqytyn únemdeýine jaǵdaı jasaý maqsatynda mundaı aksıalardy Memlekettik qyzmet isteri jáne sybaılas jemqorlyqqa qarsy is-qımyl agenttiginiń Almaty qalasy boıynsha departamentimen birge avtobazarlarda, saýda ortalyqtarynda jáne t.b. adamdar kóp jınalatyn oryndarda ótkizip júrmiz» - deıdi «Azamattarǵa arnalǵan úkimet» memlekettik korporasıasy Almaty qalasy fılıalynyń PR-menedjeri Jańyl Ápetova.
Aksıa barysynda aıtýly qonaqtar ESQ jazyp alyp, mobıldi úkimetke tirkeldi, aıyppul, salyq bereshekterin tekserip, tólemder jasady. Sonymen qatar olar basqa avtokólik ıelerine «Júrgizýshi kýálikterin berý», «Kólik quralynyń sáıkestendirý nómiri boıynsha kólik quraldarynyń jekelegen túrlerin memlekettik tirkeý jáne esepke alý» memlekettik qyzmetterin onlaın alý úderisin kórsetti.
Kóptegen memlekettik qyzmetterdi úıden shyqpaı-aq alý esh qıyn emes. Ol úshin pki.gov.kz arqyly ESQ alýǵa ótinish berip, memlekettik korporasıanyń kez-kelgen front-ofısine baryp ótinishin rastap, qajet bolsa ózine-ózi qyzmet kórsetý sektorynan qyzmet alýǵa baılanysty tolyq keńes alýyna bolatynyn esterińizge salamyz.
Aıta ketetini, Jyl basynan beri Almaty qalasy №1 Mamandandyrylǵan HQO-dan 69206 júrgizýshi kýáligi alynǵan. Onlaın túrde 888 júrgizýshi kýáligi alynǵan. 282874 avtokólik quraldaryn tirkeý, qaıta tirkeý qyzmetteri tirkelgen. Onlaın túrde – 237. Kúnine 1500-2300 adamǵa qyzmet túrleri kórsetiledi.
