Qazaqstan Respýblıkasy Mádenıet jáne sport mınıstrliginiń uıymdastyrýymen qazaq tili álipbıin latyn grafıkasyna kóshirý jumystary aıasynda 2018 jylǵy 14 qarasha saǵat 11.00-de (Astana ýaqyty boıynsha) respýblıka boıynsha latyn grafıkasy negizindegi «JALPYHALYQTYQ DIKTANT» ótti dep habarlaıdy.

Mádenıet jáne sport mınıstrliginiń aqparaty boıynsha respýblıkalyq aksıa elimizdiń barlyq óńirlerin qamtıdy jáne oǵan shamamen 2 mln.qazaqstandyq qatysty. Dıktant bir ýaqytta respýblıka boıynsha óńirlerdegi tilderdi damytý basqarmalary daıyndaǵan arnaıy aýdıtorıalarda ótkizildi.

Sondaı-aq qashyqtyqtan qatysýǵa nıet bildirgen respýblıka turǵyndary úshin dıktantty tyńdaý saǵat 11.00-de (Astana ýaqyty boıynsha) «Qazaq radıosy», «Shalqar» radıolarynyń tikeleı efırinde jáne emle.kz, tilalemi.kz saıttarynda qoljetimdi boldy.

Jalpyrespýblıkalyq aksıa jańa qazaq álipbıin nasıhattaýǵa, latynnegizdi qazaq álipbıin praktıkalyq turǵydan meńgerýge daǵdylandyrýǵa baǵyttalǵan bolatyn.

Sharaǵa Qazaqstan Respýblıkasy Mádenıet jáne sport mınıstri Arystanbek Muhamedıuly qatysyp, jalpyhalyqtyq dıktant qatysýshylarǵa sáttilik tiledi.

Sonymen qatar Jalpyhalyqtyq dıktantty ótkizý bastamasyn belgili qoǵam qaıratkerleri, jazýshylar, ǵalymdar, sportshylar, sonymen qatar mádenıet jáne óner salasynyń tulǵalary da qoldady.

Qazaqstan Respýblıkasy Ulttyq akademıalyq kitaphanasynda dıktantqa belgili qoǵam qaıratkeri, aqyn-jazýshylar Roza Muqanova, Qonysbaı Ábilov, qazaqstandyq ártister Maıra Muhamedqyzy Turar Álipbaev, Nurbolat Arzamas, Baqtıar Adamjan, sportshylardan Ulan Rysqul, Serik Aqtaev, Aıbek Oralbaı, Áıgerim Ábilqadyrova jáne basqa da belgili mádenıet jáne óner qaıratkerleri qatysty.