Aýdandyq bilim bólimi qazan aıynyń bereshegin «osy aptada jabamyz» dep ant-sý iship otyr dep habarlaıdy Aktobenews.kz tilshisi.

QR Eńbek kodeksiniń 113 babyna sáıkes jalaqy kelesi aıdyń on kúndiginen keshiktirilmeı tólenýi tıis. Alaıda, aýdandyq bilim bólimi bul zańnamany buzyp otyr. Soǵan oraı, Temir aýdandyq prokýratýrasynyń usynysymen eńbek ınspektory tekseris júrgizgen. Nátıjesinde, bilim bóliminiń myńnan asa muǵalimge jalaqyny tólemeı otyrǵandyǵy anyqtaldy.

«Temir aýdany boıynsha qyrkúıek aıyna 1013 qyzmetkerge jalpy somasy 38,8 mln teńge kóleminde jalaqy tólenbegenin anyqtadyq. Bul zańbuzýshylyqty joıý maqsatynda bilim bóliminiń basshysyna nusqama berilip, ákimshilik jaýapkershilikke tartyldy. Qazir qyrkúıek aıy boıynsha bereshek tolyq jabyldy. Telefonmen habarlasqan ýaqytta bilim bóliminiń ákimshiligi jaýapkershilikke tartyldy. Qazir qyrkúıek aıy boıynsha bereshek tolyq jabyldy. Telefonmen habarlasqan ýaqytta bilim bóliminiń ákimshiligi qazan aıynyń jalaqysyn osy aptada tolyq jabatyndyǵyn habarlap otyr»,-deıdi Aqtóbe oblystyq eńbek ınspeksıasy jónindegi basqarmasynyń aqparattyq-taldamalyq qamsyzdandyrý bóliminiń basshysy Nurlan Erekeev.

Eske sala keteıik, osydan bir aı buryn temirlikter áleýmettik jelide jalaqysyz otyrǵanyn baıandap, janaıqaıyn jetkizgen edi. Bir aı ótken soń qazan aıynyń jalaqysyn almaǵan muǵalimder qaıtadan áleýmettik jelige shaǵymdaryn jazdy.