Ulttyq banktiń málimeti boıynsha, 2018 jyldyń 11 aıynda jeke tulǵalar shetelderge 7 mıllıardtaı dollar aýdarǵan. Al kelip túsetini 2 mıllıardqa da jetpeıdi. Bul týraly Qamshy.kz aqparat agenttigi Astana arnasynyń jańalyqtaryna silteme jasap habarlaıdy.
Syrtqa jiberiletin aqsha negizinen elimizde jumys istep júrgen eńbek mıgranttarynyń aýdarymdary. Kapıtaldyń kóp bóligi dálirek aıtsaq, 61,3 prosenti Reseıge, Túrkıa, AQSH, Ózbekstan, Shveısarıa jáne Qytaıǵa jiberiledi.
Eger, Shveısarıaǵa aqsha jiberýshilerdiń 80 prosenti ózderiniń esep-shottaryna aýdarsa, Ózbekstanǵa kerisinshe, qaıtarymsyz tólemder jasalady.
"Qazir Qazaqstanda 2 mıllıonnan astam eńbek mıgranttary jumys isteıdi. Olardyń bir mıllıony bul elde zańdy túrde eńbek etip jatsa, taǵy bir mıllıony munda zańsyz jumys isteıdi", - dedi mıgranttar máselesi boıynsha halyqaralyq uıymnyń úılestirýshisi Deıan Keserovıch. .
