Japon medısınasy ǵasyrlar boıy adam aǵzasyn emdeýdegi tıimdi balama tásil retinde qalyptasty. Aýyrsynýdy basý úshin olar aǵzanyń ártúrli bóligimen baılanysty syrtqy sezim músheleri arqyly emdeýge bolady dep senedi. Qamshy.kz aqparat agenttigi oqyrman nazaryna japon medısınasynyń eń tanymal tásilderiniń biri ishki aǵzany qol saýsaqtary arqyly emdeý ádisin usynady.
Djın Shın Djıtsý (Jin shin Jitsu) — saýsaqtardyń arnaıy núktelerin basý arqyly emosıonaldy tepe-teńdikti qalpyna keltiretin japondyq emdeý óneriniń kóne túri.
Saýyqtyrý áseri árbir saýsaqty eki ishki aǵza múshesimen baılanysty degen senimge negizdeledi sondaı-aq, fızıkalyq jáne emosıalyq densaýlyqty jaqsartady.
Bul prosedýraǵa tek 5 mınýtyńyzdy arnap, ózińizdi jaısyz sezingende qoldanyp kórińiz. İshki senimińiz arqyly onyń áserin birden baıqaısyz. Ol úshin jaı ǵana belgili bir aǵzamen baılanysty saýsaqty ekinshi qolmen 3-5 mınýttaı myqtap qysyp turyńyz.
Barlyq saýsaqtaryńyzǵa ekinshi qolmen úsh mınýt boıy tereń dem alyp, massaj jasańyz. Máselen:
Bas barmaq asqazan jáne kókbaýyrmen baılanysty. Oǵan massaj jasaý arqyly depressıa men mazasyzdyqty joıýǵa bolady. Jalpy ashýshańdyq, bas aýrýy, asqazan aýyrǵanda prosedýrany oryndap kórseńiz bolady.
Suq saýsaq prosedýrasyn búırek pen nesep joldary aýyrǵanda jasap kórýge bolady. Qoryqqanda, kóńilińiz qalyp, ózińizdi jaısyz sezingende emosıalyq tepe-teńdikti qalypqa keltiredi. Sondaı-aq, massaj jasaý arqyly tis aýyrǵandy, arqa jáne bulshyq et aýrýlaryn jeńildetýge bolady.
Ortańǵy saýsaq baýyr jáne ót joly jumysymen baılanysty. 5 mınýt ortańǵy saýsaqty qysyp, tereń demalyp massaj jasaý arqyly ashýshańdyq pen mazasyzdyqtan arylýǵa bolady. Mundaı ádiske japondyqtar qan aınalymyn, bas aýrýy men sharshaǵyshtyqty joıa alady dep senedi eken.
Qoldyń tórtinshi saýsaǵy ash ishek jáne toq ishekpen tikeleı baılanysty. As qorytýdy jaqsartyp, astma, teri aýrýlaryn emdeýde jaqsy kómektesedi eken. Emosıalyq turǵyda qaıǵy-muńnan arylýǵa, negatıvti joıýǵa sebep bolady.
Kishkentaı saýqsaqty japondyq balama medısınada júrek jáne ish qurylyspen baılanystyrady. Súıek pen býyn aýyryp, júregińizde aqaý bolsa, tamaq aýyrǵanda jaqsy kómektesedi. Sondaı-aq, mazasyzdyq, senimsizdik pen ashýshańdyqty joıýda tıimdi tásil.
Kelesi jol atalǵan sımptomdar mazalasa, osy prosedýrany 5 mınýt jasap kórińiz. Tıimdi áseri birden baıqalady.
Usynǵan: Baljan HALYQ
