Qazirgi psıhologıanyń ishinde damyp kele jatqan taǵy bir ádis vızýalızasıa dep atalady. Álemniń kez-kelgen psıhology qoldap júrgen osy ádisti qanshalyqty paıdalanyp júrmiz?

Al siz armandar kartasyn jasap kórdińiz be? Árbir arman oryndalady. Tek onyń qupıasyn bilseńiz boldy.

Búginde batystan kelgen bul tásildi armanyn júıelep, naqtylaý úshin birneshe adam jasap  júr.

Bul jerdegi basty nárse adam aldymen óz armanynynyń oryndalatynyna senýi kerek.

Kartany jasaǵan kezde ol materıaldyq dúnıe bolyp kóz aldymyzda turady.

 Al, armandar kartasyn qalaı jasaımyz jáne onyń oryndalýy úshin ne isteımiz?

Armandar kartasyn jasaǵanda jaqsy kóńil-kúımen otyrý jáne bar jaqsy energıańyzdy salý kerek.

Shyǵys ilimi boıynsha kartany 9 sektorǵa bólemiz. Olar: aqsha, mansap, otbasy, bala-shaǵa, jetistik, bilim, saıahat.

Aldymen sektordyń ortasyna óz sýretińizdi qoıasyz.

Aqsha. Aqsha bólimine aı saıyn qansha aqsha tapqyńyz keledi. Qaltańyzda  qandaı  qarajat bolǵanyn qalaısyz. Sol nárselerdi jazyp qoıasyz.

Otbasy. Otbasyn quryp úlgermegen boıdaq bolsańyz ózińiz armandap júrgen baqytty nekeniń sýretin japsyrasyz. Al otbasyly bolsańyz, kúıeýińizdiń bala-shaǵańyzdyń ádemi sýretin alyp japsyrasyz.

Bala-shaǵa. Kelesi sektorǵa bolashaqta bala-shaǵańyzdy qalaı kórgińiz keledi. Qalaı eslestetesiz, sol týraly sýretti salyp, japsyrasyz.

Mansap bóliminde jetkińiz keletin mansabyńyzdy, jumys ornyńyzdy armandap sýretin salyp qoıasyz.

Jetistik. Ómirde qandaı da bir iste jeńimpaz bolyp, jetistikke qol jetkizgińiz kelse, alyp jatqan nagradalaryńyzdy nemese uqsaǵyńyz kelgen jetistikteri bar adamnyń fotosyn qoısańyz bolady.

Bilim. Shet elde bilim alǵyńyz kele me, álde elimizdegi belgili bir oqý ornynda oqyǵyńyz kele ma? Mine, armandaǵan fotolaryńyzdy osy zonaǵa salasyz.

 Saıahat. Álemniń qaı jerine saıahattaǵyńyz keledi? Jerorta teńizi me, álde Dýbaı ma? Ózińizge unaǵan jerdiń ádemi sýretin qıyp alyp osy bólimge japsyramyz.

Armandar kartasy – ol armanyńyzdy kóz aldyńyzda keltirip maqsatqa aınaldyrýǵa kómektesetin kómekshi qural. Jaratýshynyń sheberligi sheksiz ekenin umytpaı, qıalymyzǵa qanat bitirip, armandaýdan qoryqpaıyq.

                                                                                            Daıyndaǵan: Ásem Merekeqyzy