5 jyl buryn IGIL terorıstik uıymyna qosylǵan qazaqstandyq áıel elge qaıtqysy keledi. Bul týraly hawarnews.kz saıty jazdy.

Sırıa demokratıalyq kúshteri gýmanıtarlyq dálizdi ashqan soń IGIL áskerleri quramyndaǵy myńdaǵan otbasy Ál-Hol lagerine attandy. Kóp otbasy IGIL quramyna kirgenderine qatty ókindi.

Ál-Hol lagerinde turyp jatqan otbasylardyń ishinde qazaq otbasy da bar. Olar IGIL quramyna 5 jyl buryn kirgen eken. ANHA aqparattyq agenttigine suhbat berge Janar Sırıaǵa qalaı barǵany, IGIL quramyna qalaı kirgeni jaıly aıtyp berdi.

5 balanyń anasy, 26 jastaǵy Janar arab tilinde sóıledi:

«IGIL jaıly ınternetten oqydym, sodan keıin quramyna qosylýdy sheshtim. Túrkıa shekarasy arqyly Aleppoǵa jettim, keıin Rakkaǵa bardym. IGIL halıfatynyń dástúrine sáıkes, qazaq áskerine turmysqa shyqtym. Dúnıege úsh balamyz keldi. Kúıeýim Sırıa demokratıalyq kúshterimen bolǵan soǵysta qaza tapty», - dedi Janar.

Keıin Janar Ash-SHadadıge qonys aýystyrdy da6 basqa jıhadshyǵa turmysqa shyqty. Sóqtip dúnıege egizder keldi. Ash-SHadadıdi azat etken soń Janar ıraktyq Tel-Afar qalasyna, ol jaqtan Ál-Bagýzǵa attandy. Sońǵy qadam Sırıadaǵy IGIL jıhadshylary boldy.

Janar kontrabandashylardan qashyp qutylmaq boldy, biraq qolynan kelmedi.

«Jaldamalylar bizdi saýdaǵa saldy, jıhad nekesi úshin paıdalandy», - dedi áıel.

Janardy IGIL jaýyngerleri basqa memleketke satyp jibermekshi bolǵan nemese óltirýi de múmkin edi. Al áıel bes balasymen Qazaqstanǵa, óz Otanyna qaıtqysy keledi.

Usynǵan: Gúlim Jaqan