Barlyq muqtajdyq osy kúni qazaqtyń basynda: munda jer joq, munda ǵylym joq, munda óner joq. Osyndaı ózderi muqtaj, ózderiniń jáne bul muqtajdyqpen isteri joq, rahat, esh nárse oılamaıdy. Oılamaǵansyn jarlyq da, nadandyq da bilinbeıdi.
Túsiniselikshi, osy muqtajdy qaıǵyrtý kimniń mindeti?! Ár kimniń ózine mindet pe: bolmasa bu halyqtyń da mundaı mindetti alýǵa laıyqty adamdar bar ma?!.
Menińshe, bul mindet – sharýanyń mindeti emes, bul mindet – bas adamdardyń mindeti, musylmansha bolsyn, oryssha bolsyn oqyǵan adamdardyń mindeti.
Taýarıhqa qarasańyz, halyq bastan buzylady, bastan túzeledi eken, dúnıada ózi ózinen qaradan qarap túzelip ilgeri ketken halyq joq. Bári de bas adamdarynyń basshylyq etip, halqyn qyzǵandyqpen ilgeri ketken.
Ońǵan halyq aıtady; «Balasy ýaqytynda atasy menen anasynyń balasy, balıǵ bolyp bolǵansyn halqynyń balasy, otannyń balasy» dep.
Halyqtyń balasy qansha bolsa da bar, munda shek joq. Tek birin biri kóre almaı, bile almaı júr.
Oý, halyqtyń balasy, Otannyń balasy! Qansha bolsańyz da, Alla rıza bolsyn, kórinip shyǵyńyzshy! Kórinip shyqqanyńyz sol bolsyn, aty-jónderińizdi jazyp, «Qazaqstanǵa» jiberińiz.
Kútip qalýshy «Qazaqstan»
"Qazaqstan" gazeti, №1 (3) 15 qarasha, 1911 jyl, Oral qalasy
Usynǵan: Gúlim Jaqan
