Aqtóbeniń №2 qalalyq sotynyń kún tártibinde QR azamaty Baýyrjan Iýnýsovtyń "Shyǵys munaı jáne servıstik qyzmet kórsetý" JSHS burynǵy bas dırektory, Qytaı azamaty Chjan Lıchýnniń ústinen QR QK 152-baby boıynsha "QR eńbek zańdylyǵyn buzdy" degen aıyppen shaǵymy paıda boldy dep jazady Qamshy.kz aqparat agenttigi Times.kz saıtyna silteme jasap.
Er adamnyń aıtýynsha, Qytaı azamaty Qazaqstan Respýblıkasynyń eńbek zańdylyǵyn buzdy dep sanaıdy jáne shara qoldanýdy suraıdy.
Iýnýsovtyń aıtýynsha, ótken jyldyń maýsym aıynan bastap ol "Shyǵys munaı jáne servıstik qyzmet kórsetý" mekemesiniń burǵylaý brıgadasynda, "Kókjıde" qudyǵy mańynda ınjener-tehnolog bolyp jumys jasaǵan. Osy jumysty atqarý barysynda alǵan omyrtqa jaraqatynan aıaqtary semip qala jazdapty.
Ótken jyldyń 20-maýsymynda bir skvajınadan ekinshi skvajınaǵa bara jatqan tusta burǵylaý brıgadasy mingen avtobýs shaıqalyp ketip, Baýyrjan oqys qımyldan qatty soǵylyp artynsha arqasynyń qatty aýyrǵanyn baıqaıdy. Aqtóbe qalasyna deıin tynyshtandyratyn dári-dármektiń arqasynda jetedi.
Jaraqat boıynsha júrgizilgen tekserý amaldary onyń jumys barysynda bolǵanyn anyqtap beredi. Osylaısha er adam úshinshi toptaǵy múgedekke aınaldy. Ras, aıta ketý kerek, alǵashqy otany qytaılyq kompanıa tóledi. Biraq keıinnen jumysshyǵa "Aýyrsań – jumystan shyq!" dep qýyp shyǵypty. Aıyna shamamen 200 myń teńge shamasynda tabys tabatyn Baýyrjan qazir múgedektigi úshin alatyn zeınetaqymen kún kórýde. Oǵan 20 jastaǵy qyzy qamqorlyq kórsetýde.
Qytaı kompanıalary Qazaqstan sotyn bir tyńdap, bir tyńdamaıdy...
Omyrtqasy shoıyrylǵan Baýyrjan Iýsýpov burǵylaý brıgadasynyń ınjener-tehnology qyzmetin qaıtarý úshin advokat jaldap, sotta óz quqyǵyn qorǵap shyǵýǵa baryn salǵan. Óıtkeni, ınjener-tehnolog óziniń basynan ótken barlyq jaǵdaıǵa Chjan Lıchýndi kináli dep sanaıdy.
"Burǵylaý kompanıasynyń Qazaqstan zańdaryna baǵynbaıtyny meni qynjyltady. Men jumysta júrip múgedek atandym. Al qazir kez-kelgen máselemdi tek sot arqyly sheshetin jaǵdaıǵa jettim. Jaraqat alǵannan keıin meni sot sheshimimen jumysqa alýyn alǵanymen, artynsha kópke uzamaı shyǵaryp jiberdi", - deıdi Baýyrjan Iýnýsov.
Injener-tehnologtyń oıynsha, Chjan Lıchýn Qazaqstan zańdaryna qurmet tanytpaıdy ári olarǵa baǵynǵysy kelmeıdi.
Aýdarǵan: Ádilet Mádenıet
