2016 jyldan bastap, Qazaqstan mektepterinde 5 kúndik oqytý standarttary engizildi dep málimdedi QR Bilim jáne ǵylym mınıstri Aslan Sárinjipov Otalyq komýnıkasıalar qyzmetinde ótken baspasóz máslıhatynda. Bul týraly «Qamshy» portaly «QazAqparatqa» silteme jasaı otyryp habarlaıdy.
«Biz Qazaqstan Prezıdentiniń tapsyrmasymen orta bilim berý mazmunyn ózgertýdi bastap kettik. Jańa baǵdarlamalar engiziledi. Onda bilim berýden buryn, oqýshylarǵa qajetti mashyq pen daǵdylardy qalyptastyrýǵa úlken mán beriledi. Búginde biz 30 mektepti tańdap aldyq, qyrkúıekten bastap sol júıeni solarǵa tájirıbe retinde engizemiz. Kelesi jyly 1 synyptan bastap, barlyq mektepterge taratatyn bolamyz», - dedi mınıstr.
Onyń aıtýynsha, jańa standarttar balanyń oqýǵa tıisti baǵdarlamasyn aýyrlatpaıdy-mys.
«Oqýshylardyń oqý páni «kóleminiń» tym artyp ketkendigine qatysty pikirge keletin bolsaq, aýyrtpalyq ózgermeıdi. Oqý baǵdarlamasy odan ári aýyrlamaıdy. Jańa standart boıynsha biz 5 kúndik oqý júıesin qarastyryp otyrmyz. Mektepterdiń basym bóliginde 5 kúndik oqý bolady. Oqýshylar tym kóp jáne úsh aýysymda oqytatyn mektepterde 6 kúndik oqytý áli saqtala bermek. Biraq olardyń sany biren-saran», - dedi A. Sárinjipov.
Iá, sonymen Bilim jáne ǵylym mınıstrligindegi reformatorlardyń usynysymen elimizdegi orta mektepterde endi sabaqtar aptasyna 5 kún jáne aǵylshyn tilinde oqytylatyn bolady.
Aıtpaqshy, esterińizde bolsa osydan biraz ýaqyt buryn QR orta bilim berý mekemelerine 12 jyldyq bilim berý kýrstary júıesin engizý týraly másele qarastyrylǵan bolatyn. Májilis talqysyna deıin baryp, tipti arnaıy konsepsıasy ázirlengen, bul oqytý júıesi týraly 12 jyldyq bilim berýdiń mindetti memlekettik standarttarynyń jobasy daıarlanǵan edi. Bul týraly atalmysh tujyrymdama avtorlarynyń biri, Ybyraı Altynsarın atyndaǵy Ulttyq bilim akademıasynyń vıse-prezıdenti Ádilhan Dúısebek jýrnalıserge keńinen aıtyp bergen edi. Onda jańa standarttar boıynsha bala 6 jastan bastap mektepke baryp oqıtyndyǵy, bes kúndik oqý baǵdarlamasyna sáıkes, oqýshyǵa baǵa qoıý qarastyrylmaǵandyǵy, sabaqtyń uzaqtyǵy 35 mınýt bolatyndyǵy aıtylǵan. Al 2-3 synyptan bastap balalar shet tilderin oqı bastaýy tıis bolǵan. Bul júıeniń artyqshylyǵy 12 jyldyq bilim berý kezinde “Qazaq eli” páni engiziletin edi.
Ókinishke oraı, bıyl QR Bilim jáne ǵylym mınıstrligi bul júıeden bas tartty.
«Biz bıylsha bul júıege kóshýden bas tarttyq. Sebebi mınıstrliktiń Qazaqstandaǵy barlyq bilim berý mekemelerin birden 12 jyldyq júıege kóshirýge shamasy kelmeıdi. Biraq, aldaǵy ýaqyttarda bul júıe ornyǵady dep senemiz. Qazirdiń ózinde Qazaqstanda 400-deı bala osy júıemen sabaq oqýda. Biz osy 400 balaǵa tájirbıe jasap kórmekpiz. Nátıjesin kóre jatarsyzdar»,-degen edi BǴM Mınıstri Aslan Sárinjipov myrza.
Nurzat Toǵjan
