Elimizde dári-dármek qymbattady dep habarlaıdy Qamshy.kz aqparat agenttigi «Habar 24» arnasyna silteme jasap.

Bıyl qańtar-qyrkúıek aralyǵynda elimizde 56 mlrd teńgeden astam somaǵa dári shyǵarylǵan.

Jalpy barlyq farmasevtıkalyq ónim óndirisiniń jıyntyq kólemi bir jylda shamamen 10 mlrd teńgege artqan. Óndiris pen birge baǵa da ósken.

«Dárihanalardaǵy preparattardyń quny 8,2%-ke qymbattaǵan», – delingen habarlamada. Ásirese, vıtamınder bir jylda 11,4%-ke, analgetıkter 10,6%-ke, korvalol men antıbıotıkter 9,3%-ke qymbattady. Alaıda, kelesi jyldyń 1 qańtarynan bastap Densaýlyq saqtaý mınıstrligi balalarǵa reseptpen beriletin barlyq dári-dármekti medısınalyq saqtandyrý esebinen tegin berýge nıetti.

Taǵy bir aıta keterligi, saladaǵy óndiris oryndarynyń barlyǵy derlik elimizdiń 3 óńirinde shoǵyrlanǵan. Bul Shymkent, Almaty oblysy jáne Almaty qalasy. Halyqaralyq taldaýǵa saı, qazaqstandyq farmasevtıka naryǵyndaǵy úles boıynsha úzdik 15 korporasıa tizimine tek eki kompanıa  kirgen.