Aná Shevchenko: |
- Birinshiden, men táýelsizdik merekesin nemis tilinen bolatyn ekzamende atap ótemin. QazUÝ-dyń fılologıa fakúltetinde oqımyn, qazir Reseıde akademıalyq utqyrlyq baǵdarlamasymen bilim alyp jatyrmyn. Ekinshiden, 16 kúngi merekeni mindetti túrde atap ótý kerek dep oılaımyn. |
Roman Kashkýlı |
- Shyndyǵyn aıtqanda, mereke men úshin emes, sondyqtan oǵan túkirgenim bar. Sizge dál osylaı dep jaýap berip turǵan birinshi adam emes shyǵarmyn. |
| Evgenıı Kozlov: | - Men qazirgi ýaqytta Qazaqstanda emespin, buryndary bul merekeni atap ótpeppin. |
| Lúdmıla, 30 jasta: | - Bul kún mereke dep moıyndalǵan eken, ony barlyǵy da toılaıdy. Al men barlyq merekelerge jaqpyn. |
| Janna, 21 jasta: | - Qazaqstannyń Táýelsizdigi kúni men jumysta bolamyn, sondyqtan onyń maǵan eshqandaı mańyzy joq. |
| Oleg, 20 jasta: | - Qandaı jaǵdaı bolmasyn, Táýelsizdik kúnin atap ótý kerek. Ne degenmen de, bul Qazaqstannyń merekesi, óz basym toılaımyn. |
| Marına, 24 jasta: | - Mereke ekendigin bilmedik, alaıda, demalys beredi eken. Sol úshin qýanyshtymyz. |
| Vera, 27 jasta: | - Mereke ekendigin bilmedik, alaıda, demalys beredi eken. Sol úshin qýanyshtymyz. |
| Marına, 24 jasta: | - Bul merekeni biz rızashylyqpen qarsy alý kerekpiz. Men ózim jaqynda ǵana Máskeýden keldim. TMD elderiniń ár túrli ókilderimen áńgimeles boldym. Qudaıǵa shúkir, taǵy bir ret, biz Ýkraına nemese Tájikistanmen salystyrǵanda, Qazaqstanda jaqsy turyp jatqanymyzǵa kózim jetti. |
Amankeldi Aqynov:
- Táýelsizdik kúnin negizi Jańa jyldan artyq toılaýymyz qajet. Biraq muny áli halyq qabyldamaı jatyr.
Ǵabıt Kádirbaev:
- Aza tutý kerek, eske alý kerek bozdaqtardy, táýelsizdik kúnin 25-qazanda toılaý kerek.
Fırast So:
- Merekede úıde bolamyn. Eshqaıda barmaıtyn shyǵarmyn. Meniń oıymsha, bul qazaly kún.
Almas Kókjal:
-16 kúni men úshin, árıne, mereke. Táýelsizdik jolynda qan tógýler bolady, ońaı kelmeıdi. Men qazaqpyn, biraq, qazaq azamaty emespin. Táýelsizdik merekesi dep aıtaıyn desem, áli táýelsiz sanalmaımyz. Qazaqstanǵa kelip, oryssha bilmegenim úshin jumysqa kire almaı, oryssha kýrsqa barýyma týra keldi.
Serik Ábiken:
-16-jeltoqsan Jańaózen oqıǵasynan bergide aza kúni.
Alı Bıtore:
- Shyny kerek, osy kúnge deıin Táýelsizdik kúnin atap, nemese toılap ótken joqpyn. Biraq, jylda bolmasa da Táýelsizdik monýmentine gúl shoqtaryn qoıyp kelemin. Buıyrsa bul jyly da gúl shoqtaryn qoıyp kelýdi nıet etip otyrmyn. Negizinde 16 jeltoqsan Táýelsizdik kúni emes, Táýelsizdik kúni 25 qazan. Al, 16 jeltoqsan "jeltoqsan qurbandaryn" eske alý, aza kúni. Táýelsizdikti atap, toılap ótýdiń qajeti joq. Táýelsiz Qazaqstan, "egemendi elmiz" degen tirkesterdi múlde qoldanýdyń qajeti joq. Táýelsiz Fransıa, Táýelsiz Germanıa memleketi degendi estip pe edińiz?! Joq. Jalpy álemde 3-aq táýelsiz memleket bar, olar: AQSH, Reseı federasıasy jáne Qytaı. Basqa memleketterdiń bári táýeldi. Táýelsizdik kúnin atap ótýdiń qajeti joq menińshe!
Esqat Bojan:
- Suraǵyńyzǵa N. Mandelanyń sózimen jaýap bereıin: "Táýelsizdik úshin táýelsiz aspandy satyp alýdyń qajeti joq. Táýelsizdik júrekte". Men 16-syn qýana qarsy alamyn, aǵa býyndar bizge óz azasymen mereke kún qaldyrdy.
Bahytjan Núrpeısov:
- Ol kúni men jumysta bolamyn, biraq, aza kúnin mereke dep qarsy alý qıyn sıaqty.
Alıash, 42 jasta:
- Merekeni úıde, otbasymmen qarsy alamyn. Bul kún meniń jadymda jeltoqsandyq oqıǵamen qaldy. Oǵan meniń sol kezde stýdent bolyp júrgen týǵan-týystarym qatynasty. Árıne, olardyń barlyǵy da din aman. Olar únemi Táýelsizdiktiń qanmen kelgenin aıtyp otyrady.
Saýalnamany daıyndaǵan Zamıra Pýlatova
Pikir qaldyrý