Pandemıa bastalǵaly ǵalymdar koronavırýs keıbir adamdarǵa nege jeńil túrde, al keıbir adamǵa aýrýhanaǵa jatýǵa, reanımasıa túsýge deıin áser etetinin anyqtaýǵa tyrysyp keledi, dep jazady COVID-19-dy taratpaý jónindegi vedomstvoaralyq komısıa baspasóz qyzmeti.

Brıtanıa ǵalymdary aýrýhanalardyń 200-ge jýyq reanımasıa bólimshelerinde jatqan 2 myńnan astam pasıentke  zertteý júrgizgen. Nátıjesinde naýqastarda COVID-19 belgilerin asqyndyratyn "neandertal" geniniń bar ekenin anyqtalǵan.

Syrqat adamdardyń genomdaryn saý adamdardyń genomdarymen salystyra kele birneshe aıyrmashylyqtar baıqalǵan.

Máselen, ımýndyq jasýshalardy agressıvti etetin TYK2 genderinde, qabyný kezinde mańyzdy ról atqaratyn DPP9-da, vırýstyń replıkasıasyna kedergi keltiretin OAS jáne ınterferonnyń óndirilýine baılanysty IFNAR2 – kúshti vırýsqa qarsy molekýlalarynda ózgeshelikter bilingen.
⠀
Genetıka salasyndaǵy bul ashylym COVID-19-dyń bıologıalyq mehanızmderin egjeı-tegjeıli zertteýge múmkindik beredi. Osylaısha, ǵalymdarǵa endi emdeýdiń jańa ádisterin usyný ońaıyraq bolmaq.