"Qara búrkit" dep atalatyn erekshe qaýipti qylmyskerlerge arnalǵan kolonıaǵa ádilet podpolkovnıgi Nurbek Qabdikárimov basshy bolyp taǵaıyndaldy. Bul týraly zakon.kz habarlady.

Ol 1982 jyly 21 qańtarda Shyǵys Qazaqstan oblysy, Tarbaǵataı aýdany, Aqjar aýylynda dúnıege kelgen. Ol quqyq qorǵaý organdarynda 2000 jyldan bastap jumys isteıdi. Sońǵy qyzmeti – Qostanaı qalasynyń "ÝK-161/1" RMÝ basshysynyń orynbasary.

Osy jyldyń tamyz aıynyń sońynda "Qara Búrkit" kolonıasynyń bastyǵy Arman Ábilevtiń qamaýǵa alynǵan. Ol "sottalǵandardy qanatynyń astyna alyp, jalpy qamqorlyq tanytqany" úshin 1 mıllıon teńge kóleminde para aldy degen kúdikke ilindi.

"Qara Búrkit" – Qostanaı oblysy QAJ tótenshe qaýipsizdik mekemesi. Munda asa qaýipti qylmyskerler jazalaryn ótep jatyr.

2012 jyly 14 áriptesin óltirgeni úshin ómir boıyna sottalǵan Vladıslav Chelah osy kolonıada jazasyn ótýde.  Odan bólek, 10 adamnyń ólimine, sondaı-aq 3 azamatty óltirýge oqtalǵan terorıstik akt jasaǵany úshin 68 jylǵa, keıin ómir boıyna bas bostandyǵynan aıyrýǵa jáne ólim jazasyna kesilgen Rýslan Kúlekbaev ta osynda otyr.